مينسك- نۇر- سۇلتان ۇشاعى نەلىكتەن قاراعاندىعا قونعانى انىقتالدى

بريفينگ بارىسىندا ب ا ق وكىلدەرى باسقارما باسشىسىنان كەشە «مينسك- نۇر- سۇلتان» باعىتىنداعى ۇشاقتىڭ نەلىكتەن قاراعاندىعا قونعانىن سۇراعان ەدى.

«ءيا، كەشە سونداي ستاندارتتان تىس جاعداي ورىن الدى. كەشە ءبىزدىڭ مەديتسينالىق قوعامداستىق ءۇشىن ۆيرۋس جۇقتىرعان ناۋقاستاردىڭ انىقتالۋىنا بايلانىستى جۇمىس كوپ بولدى. ۆيرۋس جۇقتىرعانداردىڭ وتباسىلارىن، ۇشاق سالونىندا قارىم- قاتىناستا بولعان ادامداردى ەسەپكە العاندا قانشا ازامات تۇسەرىن بىلمەدىك. ويتكەنى، ناۋقاستار 5 رەيسپەن كەلگەن ەدى. بۇعان قوسا، تاعى ءۇش رەيستىڭ كەلەتىنىن كۇتتىك. بۇل، شامامەن160-تان استام ادام. ونىڭ ۇستىنە، ءۇش ستاتسيوناردىڭ 2-ەۋى سالىستىرمالى تۇردە العاندا تولىق بولدى»، - دەدى ول.

ونىڭ ايتۋىنشا، ەلوردادا ءۇش ستاتسيونار دايىندالعان. «جالپى، نۇر- سۇلتان قالاسىندا ءۇش ستاتسيونار بار. توسەك- ورىن سانى - 1051. بۇل دەنساۋلىق ساقتاۋ مينيسترلىگىنىڭ كەلىسىمىمەن، ۇسىنىسىمەن جاسالدى. ءبىز وعان دەيىن وزگە ەلدەردىڭ دە تاجىريبەسىن زەردەلەگەن ەدىك. تۇرعىندارىمىزدان بولجامدى تىركەلەتىن ينفەكتسياعا بايلانىستى 210 ينفەكسيالىق ستاتسيونار قاراستىرىلعان. ال قالعاندارى پروۆيزورلىق، كارانتيندىك ورىندار سانالادى. سوندىقتان نۇر- سۇلتان قالاسى ءۇشىن اتالعان توسەك- ورىن قورى جەتكىلىكتى. بۇگىنگى كۇنى اتالعان توسەك- ورىنداردا 597 ادام جاتىر»، - دەدى ساۋلە قيسىقوۆا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى