قازاقستانعا كىرگىزىلمەگەن شەتەلدىك مامانداردى الماستىراتىندار ىزدەستىرىلۋدە
بۇل تۋرالى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ەنەرگەتيكا ۆيتسە- ءمينيسترى اسەت ماعاۋوۆ ايتتى، دەپ حابارلايدى قازاقپارات ءتىلشىسى.
«ءبىرقاتار مەملەكەتتەن شەتەلدىك جۇمىسشىلاردىڭ ەلىمىزگە كىرۋىنە قويىلعان شەكتەۋلەرگە بايلانىستى جوعارى بىلىكتى مامانداردى اۋىستىرۋ ءۇشىن جەرگىلىكتى ەڭبەك نارىعىندا ىزدەستىرۋ (مامانداردى) جالعاسادى. مىسالى قازىرگى ۋاقىتتا ك ر ى جوباسىندا بارلىعى 397 قىتاي ازاماتى جۇمىس اتقارۋدا. ەنگىزىلگەن شەكتەۋگە بايلانىستى 161 قىتايلىق ازامات ق ح ر- دان كىرگىزىلمەدى. پرەمەر- ءمينيستردىڭ تاپسىرماسىن ورىنداۋ ءۇشىن ەنەرگەتيكا مينيسترلىگى ەڭبەك جانە حالىقتى الەۋمەتتىك قورعاۋ مينيسترلىگىمەن، اتىراۋ وبلىسىنىڭ اكىمدىگىمەن، «قازمۇنايگاز» كومپانياسىمەن بىرگە ول مامانداردى جەرگىلىكتى پەرسونالمەن اۋىستىرۋ بويىنشا شارالاردى ازىرلەدى» ، - دەدى اسەت ماعاۋوۆ.
ونىڭ ايتۋىنشا، بۇگىنگى كۇنى اتىراۋ وبلىسىنىڭ اكىمدىگى مەن ك ر ى ماماندارىنىڭ قاتىسۋىمەن جەرگىلىكتى كادرلاردى قابىلداۋ بويىنشا ارنايى كوميسسيا قۇرىلدى. «وسى كوميسسيانىڭ جۇمىسىنا بايلانىستى 50 گە جۋىق ازامات جۇمىسقا ورنالاستىرىلدى» ، - دەدى ول.
