اقتوبەدە ترانزيتتىك رەيستەر توقتاتىلدى
«23 - ناۋرىزدا اقتوبە - ماسكەۋ رەيسى توقتاتىلدى. ءبىراق ەل ىشىندەگى رەيستەر ءجۇرىپ جاتىر. تەمىرجولدا دا ترانزيتتىك باعىتتار توقتادى. ەندى رەسەيدىڭ ورىنبور، ورسك، قازان قالالارىنا اۆتوبۋس جۇرمەيدى. ال قالالار اراسىنداعى، ياعني، قوستاناي، ورالعا جول اشىق» - دەدى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى مالىمبەت يبراشيەۆ. اقتوبەدە وبلىستىق باسقارما باسشىلارى ونلاين تارتىپتە حالىققا ءتۇسىندىرۋ جۇمىستارىن جۇرگىزىپ جاتىر.
«اۆتوبۋس، تەمىرجول، اۋە بيلەتتەرى تاپسىرىلىپ، قۇنى كەرى قايتارىلىپ جاتىر. شەكارا قىزمەتى حابارلاما بەردى. شەتەلدىكتەر ءوز ەلىنە قايتا الادى، قازاقستاندىقتار ەلگە كىرۋگە قۇقىلى. ەمگە بارا جاتقان ادامدار ارنايى قۇجاتىن كورسەتۋى ءتيىس» ، - دەدى مالىمبەت يبراشيەۆ.
