ۇرەي - ۆيرۋستان دا قاۋىپتى - امانتاي جۇماعاليەۆ
ەڭ باستىسى، تۇرعىندار ۇرەيگە، سارىۋايىمعا بوي الدىرماي، سابىرلىق تانىتىپ، ساقتانۋ شارالارىن قاتاڭ ساقتاۋعا كوڭىل بولگەنى ءجون.
ويتكەنى، ۇرەي - ۆيرۋستان دا قاۋىپتى. وسىلاي دەگەن اتىراۋ وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى امانتاي جۇماعاليەۆ وڭىردەگى ماسكامەن قامتۋ ماسەلەسى تۋرالى ايتىپ بەردى، دەپ حابارلايدى قازاقپارات.
- بۇل كوراناۆيرۋس ينفەكسياسىنان قالاي قورعانۋعا بولادى؟
- قازىر تۇرعىنداردىڭ مەديتسينا ماسكاسىنا سۇرانىسى ارتقانىنان حاباردارمىز. ويتكەنى، ولار بەتپەردەنى كوروناۆيرۋستان قورعانۋدىڭ بىردەن-ءبىر جولى دەپ تۇسىنەدى. شىندىعىندا، بەتپەردە قورعانىش قۇرالىنىڭ ءبىرى ەكەنى داۋسىز. مەديتسينالىق ماسكا الدىمەن، ۆيرۋسقا شالدىققان ادامدارعا جانە ناۋقاستارمەن تىكەلەي جۇمىس ىستەيتىن دارىگەرلەرگە اسا قاجەت. ۆيرۋستى كوز، قۇلاق، ءتىپتى جۋىلماعان قول ارقىلى جۇقتىرۋعا بولادى. سوندىقتان، ەلىمىزدە ەنگىزىلگەن توتەنشە جاعدايعا بايلانىستى كوروناۆيرۋستان ساقتانۋ شارالارى كۇشەيتىلدى.
ەڭ باستىسى، مۇندايدا ۇرەيگە، سارىۋايىمعا بوي الدىرماي، سابىرلىق تانىتىپ، ساقتانۋ شارالارىن قاتاڭ ساقتاۋعا كوڭىل بولگەنى ءجون. ويتكەنى، ۇرەي - ۆيرۋستان دا قاۋىپتى تازالىق قاعيدالارىن ساقتاعان ءجون.
- قازىر اتىراۋداعى ءدارىحانالاردا مەديتسينالىق ماسكانىڭ قانشاسى بار؟
- ءبىزدىڭ دەپارتامەنت كۇن سايىن وبلىستىڭ ءدارىحانالارىنداعى مەديتسينالىق ماسكا بار- جوقتىعىنا مونيتورينگ جۇرگىزەدى. فارماتسيەۆتيكا نارىعىنداعى كاسىپكەرلەرگە حالىقتىڭ سۇرانىسىن قامتاماسىز ەتۋ ماقساتىندا مەديتسينالىق ماسكا قورىن ۋاقىتىلى تولىقتىرۋ تۋرالى ءتۇسىندىرۋ جۇمىستارى جۇرگىزىلۋدە. قازىر وبلىس ورتالىعىندا 2 مىڭ جيىنتىق ءبىر رەتتىك قولدانىلاتىن ماسكا بار. ماسكالار اتىراۋ قالاسى ماڭىنداعى تومارلى سەلوسىندا ورنالاسقان «يگى ءسات» عيماراتىنداعى ءدارىحانادا مەن جەرۇيىق مولتەكاۋدانىنداعى «زيباش» ءدارىحاناسىندا ساتىلۋدا. سونداي-اق، «مەدفارم يمپورت» ج ش س مەن «قازتەحيندۋستريا» كومپانياسى اراسىندا 100 مىڭ دانا كوپ رەتتىك قولداناتىن ماسكا الۋ ءۇشىن كەلىسىمشارت جاسالدى. كەلىسىمشارتقا سايكەس اتىراۋعا ماسكانىڭ 50 مىڭ داناسىن 20-ناۋرىزدا جەتكىزۋ كوزدەلىپ وتىر.
- مەديتسينالىق ماسكانى 3-4 ساعات سايىن اۋىستىرۋ قاجەت. وسىعان وراي ونىڭ باعاسىن قولجەتىمدى ەتۋگە بولماي ما؟
- ءبىزدىڭ دەپارتامەنتتىڭ قۇزىرەتى شەگىندە تەك دارىلىك زاتتاردىڭ باعاسىن مەملەكەتتىك رەتتەۋدى جۇزەگە اسىرادى. ال، ماسكا مەديتسينالىق بۇيىم بولعاندىقتان، ءبىزدىڭ دەپارتامەنت ونىڭ باعاسىن رەتتەمەيدى.
اۆتور: جولداسبەك كوشەرباي ۇلى
