كارانتين: دەنە قىزۋى كوتەرىلىپ تۇرعان جولاۋشىلار الماتىعا كىرە المايدى
«الماتى شەكاراسىنىڭ پەريمەترى بويىنشا ورنالاسقان بلوك پوستتاردا سانيتارلىق ەپيدەميولوگيالىق قىزمەتتىڭ ماماندارى دا جۇمىس ىستەيتىن بولادى. ولاردىڭ مىندەتى - ناۋقاس ادامداردى تاۋىپ، وقشاۋلاۋ. ول ءۇشىن ارنايى تەپلوۆيزور قۇرالدار پايدالانىلادى. تەپلوۆيزورلاردىڭ سانى بۇگىندە جەتكىلىكتى. قالاعا كىرەتىن كولىكتەگى جولاۋشىلاردىڭ قىزۋى كوتەرىلىپ تۇرعان بولسا، كىرۋىنە تىيىم سالىنادى»، - دەدى اسەل حالىقوۆا.
ايتا كەتۋ كەرەك، الماتى مەن نۇر-سۇلتان قالالارىندا كارانتين رەجىمى ەنگىزىلدى. الماتىدا ازاماتتار مەن اۆتوكولىكتەردىڭ قالاعا كىرىپ شىعىن شەكتەۋ ءۇشىن 27 بلوك پوست ورناتىلادى. الماتى اكىمى باقىتجان ساعىنتايەۆتىڭ ايتۋىنشا، كارانتين قالا تۇرعىندارىنىڭ قاۋىپسىزدىگى ءۇشىن جاسالىپ وتىر.
«توتەنشە جاعداي كەزىندە بارلىعىمىز بىرىگۋىمىز كەرەك. بۇل جاعدايدا ءار ازاماتتىڭ ءتارتىبى مەن وي- ساناسى وتە ماڭىزدى. مۇنداي قيىندىقتان ءبىزدى تەك بىرلىگىمىز بەن ءبىر-بىرىمىزگە قولداۋىمىز، ءتارتىپ ساقتاۋ ارقىلى عانا شىعا الامىز. ءبىز قيىندىقتى جەڭەمىز»، - دەدى ول.
اۆتور: گۇلميرا عوسمانالي
