كوروناۆيرۋس شىققان ەلدىڭ جۇك كولىگىنىڭ جۇرگىزۋشىسى قازاقستان اۋماعىنا جىبەرىلمەيدى

«قازاقستان رەسپۋبليكاسى ۇكىمەتى جانىنداعى ۆەدومستۆوارالىق كوميسسيانىڭ شەشىمى بويىنشا كەلەسى وزگەرىستەر ەنگىزىلگەن:

- قازاقستان رەسپۋبليكاسى (سونىڭ ىشىندە ترانزيتتىك ساپار) اۋماعىنا كىرەر كەزدە وتكىزۋ بەكەتىنە جەتكەندە 1ا) جانە 1ب) ساناتىنداعى ەلدەردەن كەلگەن جۇرگىزۋشىلەر، سونداي-اق 1ا) جانە 1ب) ساناتىنداعى ەلدەردە سوڭعى 15 تاۋلىك ىشىندە بولعان جۇرگىزۋشىلەر جەتكىزگەن جۇكتەر تەك كارانتيندىك جانە سانيتارلىق-ەپيدەميولوگيالىق نورمالاردىڭ ساقتالۋىمەن اۆتوموبيل بەكەتى اۋماعىندا جۇرگىزۋشىنى اۋىستىرۋ، نەمەسە قازاقستاندىق جۇك كولىگىنە اۋىستىرۋ جاعدايىندا عانا وتكىزىلەدى.

بۇعان دەيىن شەكارا قىزمەتى 2020-جىلعى 16- ناۋرىزدا ساعات 08:00 دە قازاقستان رەسپۋبليكاسىندا توتەنشە جاعدايدىڭ ەنگىزىلۋىنە بايلانىستى ق ر ازاماتتارى، شەتەل ازاماتتارى، سونداي-اق سىرتقى ەكونوميكالىق قىزمەت قاتىسۋشىلارىنا مەملەكەتتىك شەكارا ارقىلى كىرۋ-شىعۋعا شەكتەۋ قويىلعانى تۋرالى اقپارات تاراتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى