كارانتين: نۇر- سۇلتان مەن الماتىعا تىركەۋدەگى تۇرعىندار كىرە الادى

«دەنساۋلىق ساقتاۋ ورگاندارى مەن قورعانىس مينيسترلىگى بلوكپوستتار ارقىلى نۇر- سۇلتان مەن الماتى قالالارىنىڭ پەريمەترى بويىنشا كولىك قۇرالدارىنىڭ كىرۋى مەن شىعۋىن جانە ازاماتتاردىڭ قوزعالىسىن شەكتەيدى. قالاعا نۇر- سۇلتان مەن الماتىدا ءتيىستى تىركەۋدە تۇرعان ادامدار جانە قالالاردىڭ ومىرلىك قىزمەتتەرىن قامتاماسىز ەتۋگە قاجەت ادامدار عانا كىرەدى. ءتىزىمدى اكىمدىكتەر انىقتايدى»، - دەدى مينيستر «حابار 24» تەلەارناسىنداعى ۇندەۋدە.

ونىڭ ايتۋىنشا، بۇل تىيىم تۇتىنۋ تاۋارلارىن جەتكىزەتىن كولىكتەرگە جۇرمەيدى. سونداي- اق، مينيستر جالعان اقپارات تاراتقاندارعا جاۋاپكەرشىلىك جۇكتەلەتىنىن ەسكەرتتى جانە ازاماتتاردان كارانتين كەزىندە تۇسىنىستىك تانىتۋعا شاقىردى. بۇعان دەيىن ۆەدومستۆو باسشىسى 8 مىڭنان استام پوليتسەيدىڭ قوعامدىق ءتارتىپتى ساقتاۋعا شىعارىلعانىن، ولارعا ەڭبەك دەمالىسىن بەرۋگە، قىزمەت بابىنان تىس ساپارلاۋعا تىيىم سالىنعانىن حابارلاعان ەدى.

ايتا كەتەيىك، قازاقستاندا كوروناۆيرۋس ينفەكتسياسىن جۇقتىرعانداردىڭ سانى 33-كە جەتتى. الماتىدا كوروناۆيرۋس جۇقتىرعانداردىڭ سانى 15، ەلوردادا - 18 ادام. نۇر- سۇلتان جانە الماتى قالالارىندا كارانتين رەجيمى ەنگىزىلدى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى