قازاقستان كوروناۆيرۋس قاۋپى جوعارى ەلدەردىڭ ءتىزىمىن كەڭەيتتى

«بۇگىننەن باستاپ باس سانيتارلىق دارىگەردىڭ جاڭا قاۋلىسى كۇشىنە ەنىپ وتىر. بۇل جاڭا قاۋلى بويىنشا بىرنەشە مەملەكەت تىزىمگە قوسىلدى. سانيتارلىق رەجىم كۇشەيتىلدى. 1ا ساناتىنا بۇكىل ازاماتتار كارانتينگە جاتقىزىلۋى ءتيىس مەملەكەتتەرگە - فرانسيا، يران، يتاليا، يسپانيا جانە گەرمانيا مەملەكەتى كىرەتىن بولادى. ال 1ب ساناتىنا قىتاي، كورەيا، بۇكىل شەنگەن ايماقتاعى مەملەكەتتەر مىندەتتى تۇردە ءۇي كارانتينىنە جاتقىزىلادى. بۇرىن قابىلدانعان شەشىم بويىنشا 1ا جانە 1ب ساناتىنداعى مەملەكەتتەردەن شەتەل ازاماتتارىنا قازاقستانعا كىرۋگە تىيىم سالىنعان»، - دەدى دەنساۋلىق ساقتاۋ ءمينيسترى ەلجان ءبىرتانوۆ ونلاين فورماتتا وتكەن باسپا ءسوز ءماسليحاتىندا.

مينيستر سونىمەن قاتار ەكىنشى سانات بويىنشا فيليپپين، كاتار، ءۇندىستان، اراب امىرلىكتەرى، ۇلى بريتانيا، ازەربايجان، تايلاند جانە ا ق ش- تان كەلەتىن ازاماتتار مەديتسينالىق مونيتورينگىگە الىناتىنىن جەتكىزدى.

«وسى قاۋلى بويىنشا ەلىمىزدەگى بۇكىل مەديتسينالىق جانە الەۋمەتتىك ۇيىمداردا، ينتەرناتتاردا كارانتين باستالادى. كارانتين بويىنشا بۇل مەكەمەلەرگە سوندا جۇمىس ىستەيتىن ازاماتتار كىرگىزىلەدى. ودان بولەك سانيتارلىق دەزينفەكتسيالىق رەجىم كۇشەيتىلەدى. سونىمەن بىرگە مەديتسينالىق مەكەمەلەردە فوتو، اۋديو تۇسىرۋگە قاتاڭ تىيىم سالىنادى»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى