اسقار مامين ءبىرقاتار مينيسترلەر مەن وبلىس اكىمدەرىنە تاپسىرما بەردى
بۇل تۋرالى ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«ۇلتتىق ەكونوميكا، ەڭبەك، اۋىل شارۋاشىلىعى مينيسترلىكتەرى ءۇش كۇن مەرزىمدە سالالىق مەملەكەتتىك باعدارلامالارعا ءتيىستى وزگەرىستەر ەنگىزۋ بويىنشا قاۋلى جوبالارىن تارتىپپەن ەنگىزسىن. اكىمدەرگە ونەركاسىپ ورىندارىمەن جۇمىس ورىندارىن ساقتاۋ بويىنشا ارنايى جۇمىس جۇرگىزۋدى تاپسىرامىن»، - دەدى اسقار مامين.
ۇكىمەت باسشىسىنىڭ اتاپ وتۋىنشە، جالپى كاسىپكەرلىك پەن وتاندىق ءوندىرىستى قولداۋدىڭ جاڭا شارالارى 200 مىڭ جاڭا جۇمىس ورنىن قۇرۋعا مۇمكىندىك بەرەدى.
«ەڭبەك مينيسترلىگى جۇمىسپەن قامتۋدىڭ جاڭا جول كارتاسىن قابىلداۋدى قامتاماسىز ەتسىن»، - دەدى پرەمەر- مينيستر.
