الەم ەپيدەميولوگتارى كوروناۆيرۋستى توقتاتۋدىڭ جولىن ايتتى

«فرانسيادا كوروناۆيرۋس 2500 ادامنان انىقتالدى. 48 ادام قازا تاپتى. قازىرگى جىلدامدىق ساقتالاتىن بولسا، فرانسيادا جالپى 10 ميلليون ادام ۆيرۋس جۇقتىرۋى مۇمكىن. ال بۇل جاعدايدا قازا تاباتىنداردىڭ سانى كەم دەگەندە ەلۋ مىڭعا جەتەدى»، - دەپ جازادى اۆتور.

ەپيدەميولوگتار بۇل سەناريدى بولدىرماۋدىڭ جولى بار ەكەنىن ايتتى.

«ۆيرۋستىڭ تارالۋىن شەكتەۋ ءۇشىن ءتيىمدى شارالار قابىلداۋ قاجەتى. ال ەپيدەميولوگيالىق تۇرعىدا ۆيرۋستىڭ تارالۋ كورسەتكىشىن ازايتۋ ماڭىزدى. ساراپشىلاردىڭ ايتۋىنشا، فرانسيادا كوروناۆيرۋس جۇقتىرعان ءبىر ادام ورتاشا ەسەپپەن ونى 3 ادامعا تاراتادى. ال ەپيدەميانى توقتاتۋ ءۇشىن بۇل كورسەتكىش 1 گە تەڭ بولۋى ءتيىس. ياعني، ادام الەۋمەتتىك بايلانىسىن 4 ەسە ازايتۋى ءتيىس. سول كەزدە عانا بۇل شارالار ءتيىمدى بولادى»، - دەپ جازادى اۆتور.

ونىڭ ايتۋىنشا، قىتاي وسىلايشا ميلليونداعان ادامدى كۇشتەپ كارانتينگە جاتقىزىپ، جاقسى ناتيجەگە قول جەتكىزگەن.

«ءار ادام بارىنشا قوعامنان وقشاۋلانعانى ءجون. دوستارمەن، وتباسىمەن جينالۋ، قىدىرۋدى ازايتۋ، كەزدەسۋلەردەن باس تارتا تۇرۋ ەپيدەميانى بولدىرماۋعا اسەر ەتەدى. بۇل بارلىعىنا قاتىستى»، - دەپ جازادى اۆتور.

ونىڭ ايتۋىنشا، ۆيرۋستىڭ كوبەيۋ جىلدامدىعىن باسەڭدەتۋ ءۇشىن قىتايعا ەكى اپتا قاجەت بولعان.

اۆتور: ايكۇمىس بولاتبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى