قوعامدىق تاماقتانۋ ورىندارى ونلاين- جەتكىزۋدى بەلسەندى پايدالانباق
«قوعامدىق تاماقتانۋ ورىندارىنىڭ دا جۇمىس ۋاقىتى ساعات 22-00-گە دەيىن، ءبىر ۋاقىتتا كەلۋشىلەردىڭ سانى 50 ادامعا دەيىن شەكتەلەدى. سونىمەن قاتار ءبىز كاسىپكەرلەرگە «مۇمكىنشىلىكتەر تەرەزەسىن«اشۋعا كەڭەس بەرەمىز. ءدامحانالار، مەيرامحانالار مەن اسحانالار سانيتارلىق قاۋىپسىزدىكتىڭ بارلىق نورمالارىن ساقتاي وتىرىپ، ونلاين جەتكىزۋ مۇمكىندىگىن بەلسەندى پايدالانا الادى»،- دەدى باقىت سۇلتانوۆ.
ونىڭ اتاپ وتۋىنشە، ساۋدا جانە قىزمەت كورسەتۋ سالاسىنىڭ بارلىق نىساندارى ۇستەلدەردى، ورىندىقتاردى، ەسكالاتور جيەكتەرىن، باسپالداقتار مەن ەسىكتەردى، ءليفتىنى ءار ساعات سايىن جانە ەدەندى ءۇش ساعات سايىن زارارسىزداندىرىپ وتىرۋى ءتيىس. عيماراتتىڭ اۋاسىن دا جەلدەتىپ وتىرۋعا مىندەتتى. «سانيتارلىق نورمالاردى كۇشەيتۋ جونىندەگى ۇسىنىمداردى ساقتاۋلارىڭىزدى سۇرايمىن. ءبىزدىڭ ازاماتتارىمىزدىڭ دەنساۋلىعى مەن ءومىرى وتە قۇندى»، - دەدى مينيستر.
