سەنات پەن ۇكىمەت عيماراتىنا كىرۋگە شەكتەۋ قويىلدى
«قازاقستان رەسپۋبليكاسىنىڭ پرەزيدەنتى ق. توقايەۆتىڭ «قازاقستان رەسپۋبليكاسىندا توتەنشە جاعداي ەنگىزۋ تۋرالى» جارلىعىمەن ەلدىڭ بارلىق اۋماعىندا كوروناۆيرۋستىڭ تارالۋىنا قارسى ءىس-قيمىل جانە ازاماتتاردىڭ دەنساۋلىعى قاۋىپسىزدىگىن قامتاماسىز ەتۋ جونىندەگى الدىن الۋ شارالارى كۇشەيتىلىپ وتىر. وسىعان بايلانىستى وسى جىلدىڭ 16- ناۋرىزى مەن 15- ءساۋىرى ارالىعىندا قازاقستان رەسپۋبليكاسى پارلامەنتى سەناتىنىڭ عيماراتىندا وتىرىستارعا كەلۋشىلەر مەن قاتىسۋشىلار، سونداي-اق بۇقارالىق اقپارات قۇرالدارىنىڭ وكىلدەرى ءۇشىن شەكتەۋ ەنگىزىلدى»، - دەلىنگەن سەناتتىڭ Telegram پاراقشاسىندا جاريالانعان اقپاراتتا.
تاراتىلعان مالىمەتتە سەناتتا وتەتىن ءىس-شارالار پالاتانىڭ سايتىندا جانە رەسمي اككاۋنتتاردا ونلاين رەجىمدە كورسەتىلەتىنى ەسكەرتىلگەن.
سونىمەن قاتار، 16- ناۋرىز بەن 15- ءساۋىر ارالىعىندا ۇكىمەت ءۇيى عيماراتىنا كەلۋشىلەر جانە كەڭەسكە قاتىسۋشىلار، سونداي-اق بۇقارالىق اقپارات قۇرالدارىنىڭ وكىلدەرى ءۇشىن شەكتەۋ ەنگىزىلگەنى بەلگىلى بولدى.
«ۇكىمەت وتىرىستارى ونلاين رەجىمدە PrimeMinister.kz سايتىندا جانە رەسمي اككاۋنتتاردا تاراتىلادى. شارالاردىڭ ترانسلياتسياسى تۋرالى الدىن الا حابارلاپ وتىرامىز. قوسىمشا اقپارات الۋ ءۇشىن 745972 تەلەفون نومىرىنە حابارلاسۋعا بولادى»، - دەپ ءمالىم ەتتى ۇكىمەتتىڭ باسپا ءسوز قىزمەتىنەن.
