ەلوردادا «ەڭ باي اكە» كىتابىنىڭ تۇساۋكەسەرى ءوتتى
جيناقتى جازۋشىنىڭ ءبىر توپ شاكىرتتەرى شىعارعان. وعان ءا. ىسقاقتىڭ قازاقستاننىڭ تۇكپىر- تۇكپىرىندەگى وقىرماندارىنان كەلگەن حاتتار، ەستەلىكتەر، جاس اقىنداردىڭ ارناۋ ولەڭدەرى ەنگىزىلگەن. سونداي-اق، ومىربەك بايگەلدى، مارات وسپانوۆ، فاريزا وڭعارسىنوۆا، اكىم تارازي، قاليحان ىسقاق، مۇحتار شاحانوۆ، ۇلىقبەك ەسداۋلەت، كوپەن امىربەك، نەسىپبەك ايت ۇلى، مارحابات بايعۇت سىندى قازاق زيالىلارىنىڭ جازۋشى تۋرالى ايتقان وي-پىكىرلەرى دە بار.
كىتاپتىڭ تۇساۋىن ق ر مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى دارحان جازىقبايەۆ، ق ر پارلامەنتىنىڭ بىرنەشە شاقىرىلىم دەپۋتاتى، ف. ع. د. ءۋاليحان قاليجان، ساتيريك كوپەن امىربەك قيدى.
«كىتاپتىڭ اتىنىڭ «ەڭ باي اكە» دەپ قويىلۋى وتە ۇتىمدى. بۇل اكىم ىسقاقتىڭ رۋحاني باي ەكەنىن كورسەتەدى. ءبىر شەتىنەن وسىنداي كىتاپتىڭ شىعۋى - اكىمنىڭ جانە ونىڭ شاكىرتتەرىنىڭ تىندىرىمدىلىعىنىڭ ناتيجەسى. جاقسى كىتاپ»، - دەپ باعا بەردى ك. امىربەك.
ق ر مەملەكەتتىك ەلتاڭباسىنىڭ اۆتورى جانداربەك مالىبەكوۆ ءا. ىسقاققا لاتىن قارپىندە جاسالعان گەربتىڭ ءبىر نۇسقاسىن تارتۋ ەتتى.
سونىمەن بىرگە جيىنعا ق ر پارلامەنتى سەناتى اپپاراتى باسشىسىنىڭ ورىنباسارى، اقىن اسقار ورتەمبايەۆ، «اقجول» پارتياسى ءتوراعاسىنىڭ ورىنباسارى قازىبەك يسا، جۋرناليست بەكەن قايرات جانە تاعى باسقا قوعام قايراتكەرلەرى قاتىسىپ، ءسوز سويلەدى. شاكىرتتەرى شىعارمالارىنان ءۇزىندى وقىپ، اندەرىن ورىندادى.
