قاراقالپاقستاندا كورىسۋ كۇنى تويلاندى

14-ناۋرىزدا اتالىپ وتەتىن كورىسۋ كۇنى - باتىس قازاقستان ءوڭىرى تۇرعىندارىنىڭ ەجەلدەن كەلە جاتقان مەرەكەسى. قازاقستاننىڭ باتىس ايماقتارىندا تۇراتىن قازاقتار بۇل كۇندى 14-ناۋرىزدا، ال قاراقالپاقستاندا تۇراتىن قازاقتار 13-ناۋرىزدا اتاپ وتەدى. مەرەكە ارقىلى ناۋرىز مەرەكەسى باستالادى. ونى كەيدە امال مەرەكەسى دەپ تە ايتادى. امال مەرەكەسى كۇنى ادامدار ۇلكەندەرمەن امانداسۋعا اسىعادى. ءبىر-بىرىمەن كورىسىپ، «ءبىر جاسىڭىز قۇتتى بولسىن!» دەپ ىزگى تىلەك بىلدىرىسەدى. بۇل كۇنى بۇرىن اراز بولعاندار ءبىر- ءبىرىن كەشىرەدى. ءبىر- بىرىمەن امانداسىپ، ءبىر داستارقان باسىندا باس قوسقان قاۋىم ەسكى جىلدى تاستاپ، جاڭا جىلدى تويلاۋعا كىرىسەدى. «امال» ءسوزى اراب كۇنتىزبەسىندەگى «حامال» اي اتاۋىمەن بايلانىستى.

ەل اراسىندا «امال كەلدى - جىل كەلدى!» دەسەدى. ياعني، حيجري- شامسي كۇنتىزبەسى بويىنشا كۇن العاشقى جۇلدىزناماعا ەنەدى جانە ايدىڭ ون ەكى جۇلدىزىنىڭ ءبىرى - امالعا (بۋاز قوي) كىرۋى ارقىلى جاڭا جىل باستالادى. ينستيتۋتتا شاراعا كەلگەن قوناقتارعا قازاقتىڭ ۇلتتىق تاعامدارى ۇسىنىلدى. ينستيتۋتتىڭ دارىندى جاستارى قوناقتارعا ادەبي- كومپوزيتسيالىق باعدارلاما ۇسىندى. قاراقالپاق، قازاق، وزبەك جانە تۇرىكمەن حالىقتارىنىڭ عاسىرلار بويعى ۇلتتىق ويىندارى، ونەرلەرى قوناقتاردى ءتانتى ەتتى. ينستيتۋتتىڭ ءبىر توپ پروفەسسور- وقىتۋشىسى قاراقالپاقستانداعى قازاق ۇلتتىق مادەني ورتالىعىنىڭ قۇرمەت گراموتالارىمەن ماراپاتتالدى.

اۆتور: نۇرلان تۇياقوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى