الماتىعا ماسكەۋدەن ۇشىپ كەلگەن جولاۋشى كوروناۆيرۋستى ۇلىنان جۇقتىرۋى مۇمكىن
بۇل تۋرالى الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ ايتتى، دەپ حابارلايدى قازاقپارات ءتىلشىسى.
«الماتىداعى ءتورتىنشى ناۋقاس ماسكەۋدەن ۇشىپ كەلگەن قازاقستان ازاماتى. ونىڭ ايتۋىنشا، كوروناۆيرۋستى ۇلىنان جۇقتىرۋى مۇمكىن. سەبەبى ول ماسكەۋدە يتاليادان كەلگەن ۇلىمەن كەزدەسكەن. ال، بالاسى كوروناۆيرۋس ينفەكسياسىن يتاليادان ماسكەۋگە اكەلگەن تاسىمالداۋشىلاردىڭ ءبىرى بولدى. ناۋقاس بۇل تۋرالى بىزگە حابارلاعان جوق. كەشە كەشكىسىن الماتىلىق ءبىر ازامات بىزگە جۇگىندى، ودان تەست الىندى. تاڭەرتەڭ وڭ ناتيجيە كورسەتكەنىن انىقتادىق. بىردەن اۋرۋحاناعا جاتقىزدىق. ول ايەلىمەن تۇرادى. ايەلى دە وقشاۋلاندى. تەست ناتيجەسى شىققان سوڭ ءبارى بەلگىلى بولادى»، - دەدى تىلەۋحان ابىلدايەۆ.
بۇگىن تاعى ەكى قازاقستاندىقتان ينفەكتسيا انىقتالعانى تۋرالى حابارلاعان بولاتىنبىز. ولاردىڭ ءبىرى - الماتىلىق كاسىپكەر. ول الماتىعا ماسكەۋدەن 10-ناۋرىزدا ۇشىپ كەلگەن.
