كوروناۆيرۋس: قازاقستاندا قانشا ادام ستاتسيونارلىق كارانتيندە جاتىر؟

بۇل جايىندا ق ر دەنساۋلىق ساقتاۋ مينيسترلىگىنىڭ Facebook پاراقشاسىندا جاريالانعان اقپاراتتا ايتىلعان، دەپ حابارلايدى قازاقپارات ءتىلشىسى.

«بۇگىنگى كۇنى ەلىمىزدە كوروناۆيرۋس تىركەلۋىنىڭ 6 وقيعاسى راستالدى. ونىڭ 4 وقيعاسى الماتىدا، ەكەۋى نۇر- سۇلتان قالاسىندا تىركەلگەن. ستاتسيونارلىق كارانتيندە 1090، ءۇي كارانتينىندە 452 ادام جاتىر. بۇعان قوسا، ق ح ر مەن كورشىلەس مەملەكەتتەردەن كەلگەن ازاماتتاردى مونيتورينگىلەۋ جالعاسۋدا»، - دەلىنگەن تاراتىلعان اقپاراتتا.

ۆەدومستۆو مالىمەتىنشە، بارلىق ساناتتار بويىنشا 2272 ادام، ونىڭ ىشىندە 1 «ا» ساناتىندا 1438، 1 «ب» ساناتىندا 475، 2-ساناتتا 359 ادام مونيتورينگىلەۋگە الىنعان. 380 ادامنان مونيتورينگىلەۋ الىنىپ تاستالدى. 14 ناۋرىزداعى جاعداي بويىنشا 1892 ادام مونيتورينگىلەۋدە تۇر.

«قازىرگى ۋاقىتتا 116 ادام دەنە قىزۋىمەن جانە ج ر ۆ ي- مەن اۋرۋحاناعا جاتقىزىلدى. ونىڭ ىشىندە 1 «ب« ساناتى بويىنشا - 31، 2-سانات بويىنشا - 42، 3-سانات بويىنشا - 43 ادام. اۋرۋحاناعا جاتقىزىلعان 116 ادامنىڭ 62 سى شىقتى. ستاتسيوناردا 54 ادام جاتىر. باس مەملەكەتتىك سانيتارلىق دارىگەردىڭ قاۋلىسىنا وراي، اتالعان پاتسەنتتەر بەكىتىلگەن الگوريتمگە سايكەس ينفەكسيالىق ستاتسيونارعا جاتقىزىلعان. ەپيدەمياعا قارسى بارلىق قاجەتتى شارالار، ونىڭ ىشىندە وقشاۋلاۋ، ەمدەۋ جانە زارارسىزداندىرۋ شارالارى قابىلدانۋدا. ايتا كەتەرلىگى، جاعداي ق ر دەنساۋلىق ساقتاۋ مينيسترلىگىنىڭ تۇراقتى باقىلاۋىندا تۇر»، - دەپ اتاپ وتەدى ۆەدومستۆودان.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى