كوروناۆيرۋسقا شالدىققان ەلوردالىقتار تۋرالى جالعان اقپاراتتىڭ اۆتورى انىقتالدى

ۆەدومستۆودان ءمالىم ەتكەندەي، كوروناۆيرۋس ينفەكتسياسىن جۇقتىرعان نۇر-سۇلتان قالاسىنىڭ تۇرعىندارى اقمولا وبلىسىنىڭ اقكول قالاسىنا كوشىرىلگەنى تۋرالى فەيك-اقپاراتتىڭ اۆتورىن انىقتاۋ بويىنشا جەدەل شارالار قولعا الىندى.

«جەدەل- ىزدەستىرۋ شاراسى بارىسىندا فەيك-اقپاراتتىڭ اۆتورى، اقكول قالاسىنىڭ تۇرعىنى 1972 -جىلى تۋعان ايەل انىقتالدى. ول ءوزىنىڭ تۋىسىنىڭ (ايەل ادام) اۋديوجازباسىن تاراتقان. وسىعان بايلانىستى ق ر ق ك-نىڭ 274-بابى بويىنشا (جالعان اقپارات تاراتۋ) سوتقا دەيىنگى تەرگەۋ امالدارى جۇرگىزىلۋدە»، - دەدى دەپارتامەنتتەن.

ايتا كەتەيىك، WhatsApp مەسسەندجەرىندە تاراعان اۋديوجازبا 13-ناۋرىز كۇنى الەۋمەتتىك جەلىگە جۇرگىزىلگەن مونيتورينگ بارىسىندا انىقتالدى. وسى ۋاقىتتا قازاقستاندا كوروناۆيرۋس ينفەكتسياسىن جۇقتىرۋدىڭ 4 جاعدايى تىركەلدى. ونىڭ ءبىرى يتاليانىڭ ميلان قالاسىنان نۇر-سۇلتانعا ۇشىپ كەلگەن ازاماتتان انىقتالدى. ءۇش ادام گەرمانيادان الماتىعا اۋە قاتىناسىمەن كەلگەن. بارلىعى اۋرۋحاناعا جاتقىزىلدى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى