قىزىلوردادا كوپ مارتە پايدالانۋعا جارايتىن بەتپەردە تىگىلەدى

قىزىلوردادا وبلىس اكىمىنىڭ ورىنباسارى ناۋرىزباي بايقاداموۆ كوروناۆيرۋستان ساقتانۋ شارالارىنا وراي جەدەل وتىرىس وتكىزدى. مامانداردىڭ ايتۋىنشا، كوروناۆيرۋستان قورعانۋدىڭ ءبىر ءتاسىلى - ۇنەمى بەتپەردە تاعىپ ءجۇرۋ. دەگەنمەن، ءدال قازىر ءدارىحانادا بەتپەردە تاپشىلىعى بايقالعان.

ارنايى وتىرىسقا قاتىسقان وبلىستىق كاسىپكەرلىك باسقارماسى، وبلىستىق دەنساۋلىق ساقتاۋ باسقارماسى، تاۋارلارمەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى، «اتامەكەن» كاسىپكەرلەر پالاتاسى، «DalaTex» تىگىن فابريكاسى وكىلدەرى مەن جەكە ءدارىحانا يەلەرى ءبىر شەشىمگە كەلدى.

وندا قازىرگى ۋاقىتتا تىگىن فابريكاسىندا تىگىلىپ جاتقان سەگىز قاباتتى كوپ رەتتى پايدالانۋعا جارايتىن جەكە قورعانىش بەتپەردەسىن، قىزىلوردا قالاسى جانە اۋداندارداعى ءدارىحانالارعا جەتكىزۋ قولعا الىنادى.

بۇگىننەن باستاپ بارلىق ءدارىحاناعا 3 مىڭ داناسى جەتكىزىلەدى. ءارى قاراي سۇرانىسقا قاراي 5 مىڭ داناعا جەتكىزۋ جوسپارى بار. «DalaTex» تىگىن فابريكاسى وكىلىنىڭ مالىمدەۋى بويىنشا، كەلەسى اپتادان باستاپ ارنايى قوندىرعىنىڭ كومەگىمەن ءبىر رەتتىك جەكە قورعانىش بەتپەردەسى شىعارىلا باستايدى.

اۆتور: ءادىلجان ۇمبەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى