اكىمدەر كوروناۆيرۋسقا بايلانىستى توتەنشە جاعداي جاريالاۋى مۇمكىن
«الگوريتمگە ساي ءوڭىر اكىمدەرىنىڭ ناقتى مىندەتتەرى بار. ولار ءوز قۇزىرەتىنە ساي تابيعي سيپاتتاعى توتەنشە جاعدايدى جاريالايدى. بەلگىلى ءبىر قاۋىپ بولسا جاعداي قاتاڭ باقىلاۋعا الىنادى. ەگەر شەكتەۋ شارالارىن كۇشەيتۋ قاجەتتىگى تۋىنداسا وندا سول ءوڭىردىڭ اكىمى توتەنشە جاعدايدى جاريالاپ، بۇقارالىق شارالار عانا شەكتەلمەي، حالىق جينالاتىن ورىنداردا دا باقىلاۋ كۇشەيتىلەدى. كەشە ءبىز ءىشىنارا عانا شەكتەگەنبىز. قازىر ەندى قاتاڭداۋ شارالاردى قولعا الۋىمىز مۇمكىن. حالىق جينالاتىن ورىنداردى جابۋعا دەيىنگى.. . سەبەبى كوروناۆيرۋس ينفەكسياسىنىڭ الدىن الۋدىڭ نەگىزگى مەحانيزمى - ادامداردىڭ ءبىر- بىرىنەن الىس ءجۇرۋى. سول سەبەپتى قاۋىپ تۋىنداعان جاعدايدا مۇنداي شەشىم قابىلدانادى» ، - دەدى ەلجان ءبىرتانوۆ و ك ق- دا وتكەن باسپا ءسوز ءماسليحاتىندا.
ەسكە سالا كەتسەك، بۇعان دەيىن دەنساۋلىق ساقتاۋ ءمينيسترى ەلجان ءبىرتانوۆ قازاقستاننىڭ ەكى ازاماتىنان كوروناۆيرۋس ينفەكسياسى تابىلعانىن ءمالىم ەتكەن ەدى.
ال مينيسترلىكتىڭ تاۋرالار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ حابارلاۋىنشا، كوروناۆيرۋس تىركەلگەن قازاقستاننىڭ ازاماتتار- 1974 -جىلعى ەر ادام، 1984 -جىلعى ايەل.
