كوروناۆيرۋسقا بايلانىستى ۇكىمەتتىك ۆەدومستۆولار مەن بانكتەر جۇمىس ىستەمەيدى

بۇل تۋرالى مينيسترلەر كابينەتىنىڭ رەسمي وكىلى تارەك ال-مۋزرام ءمالىم ەتتى، دەپ حابارلايدى KUNA كۋۆەيت اگەنتتىگى.

«كۋۆەيت ۇكىمەتى سارسەنبى كۇنى كەزەكتەن تىس سەسسيادا بەيسەنبىدەن باستاپ بارلىق ۇكىمەتتىك ۆەدومستۆولاردىڭ جۇمىسىن توقتاتۋ تۋرالى شەشىم قابىلدادى. ولاردىڭ جۇمىسى جەكسەنبى، 29- ناۋرىزدا قالپىنا كەلتىرىلەدى»، - دەلىنگەن حابارلامادا.

ۇكىمەتتىڭ بۇل شەشىمى - مەملەكەتتىڭ Covid-19 كوروناۆيرۋسىنىڭ تارالۋىنا قارسى شاراسى.

بۇدان بولەك، كۋۆەيت بانك قاۋىمداستىعى ەلدەگى بانكتەردىڭ وسى كەزەڭدە جۇمىس ىستەمەيتىنىن حابارلادى.

ءار پروۆينتسيادا بانكتىڭ تەك ءبىر فيليالى جۇمىس ىستەيدى. ونلاين-بانكينگ پەن بانكوماتتار قالىپتى رەجىمدە جۇمىسىن جالعاستىرا بەرەدى.

كۋۆەيتتە 75 ادام كوروناۆيرۋسقا شالدىققان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى