جاھاندىق قارجى داعدارىسىنىڭ وشاعى قاي ەل بولۋى مۇمكىن؟
مۇنداي شەشىمدى Washington Post گازەتىنىڭ ەكونوميكالىق شولۋشىسى دەۆيد لينچ ايتتى، - دەپ حابارلايدى ريا نوۆوستي.
ول ەلدەگى كوممەرتسيالىق قىزمەتتىڭ توقتاۋىن ەسكەرە وتىرىپ، الەمنىڭ سەگىزىنشى ءىرى ەكونوميكاسىنىڭ بولاشاعى بانك جۇيەسىنىڭ توزىمدىلىگىنە بايلانىستى دەپ سانايدى. الايدا يتاليانىڭ بانك جۇيەسى ۇزاق ۋاقىت بويى ەۋروپاداعى ەڭ السىزدەردىڭ ءبىرى بولىپ سانالعان.
جۋرناليستىڭ ايتۋىنشا، بيزنەس پەن جەكە تۇلعالار اقشاسىز قالسا، نەسيەلەرىن تولەي الماي قالۋى مۇمكىن.
تاعى ءبىر ماسەلە رەتىندە ول ءريمنىڭ داعدارىسقا قارسى قىمبات شارالارى ينۆەستورلاردى قورقىتىپ وتىرعانىن جانە بانك اكتيۆتەرىنىڭ كوپ بولىگىن قۇرايتىن مەملەكەتتىك وبليگاتسيالار قۇنسىزدانۋى مۇمكىن ەكەنىن ايتتى. بۇل، ءوز كەزەگىندە، بانكتەردىڭ رەزەرۆتەرىن تومەندەتەدى، نەسيە بەرۋ شەكتەلەدى، بۇل ەكونوميكانىڭ ودان ءارى باسەڭدەۋىنە الىپ كەلەدى.
بۇدان باسقا، ەلدىڭ 2,4 تريلليون دوللار مولشەرىندەگى وتەلمەگەن مەملەكەتتىك قارىزىنىڭ تورتتەن ءبىر بولىگى يتاليالىق بانكتەرگە تيەسىلى، بۇل تۇراقسىزدىققا اكەلۋى مۇمكىن.
ماقالا اۆتورى يتاليا بيلىگى كەنەتتەن تونگەن بانك داعدارىسىن جەڭە الماي قالۋى مۇمكىن دەپ سانايدى.
