ساعىنتايەۆ الماتىنىڭ ەكونوميكالىق احۋالىن بيزنەس وكىلدەرىمەن تالقىلادى
كەزدەسۋدە تۇراقتىلىقتى ساقتاۋ جانە داعدارىسقا قارسى شارالار پاكەتىن ازىرلەۋ ماسەلەلەرى پىسىقتالدى، دەپ حابارلايدى قازاقپارات ءتىلشىسى.
قالا اكىمى كولىك جانە لوگيستيكا، بانك سەكتورى، ساۋدا، ونەركاسىپ جانە وندىرىستىك كومپانيا وكىلدەرىمەن كەڭەس وتكىزدى. كەزدەسۋ بارىسىندا د د ۇ پاندەميا دەپ جاريالاعان كوروناۆيرۋس ينفەكتسياسىنىڭ تارالۋىنا جول بەرمەۋ شارالارى تالقىلاندى.
«ءبىز ءىستىڭ ناقتىلى جاعدايىن انىقتاۋ جانە قالا ەكونوميكاسىنىڭ ءتۇرلى سەكتورلارىندا جاعدايدىڭ دامۋ مۇمكىندىكتەرىن بولجاۋ ءۇشىن كەزدەسىپ وتىرمىز»، — دەپ اتاپ ءوتتى الماتى اكىمى.
كەزدەسۋدە ساۋدا اينالىمىن ساقتاۋ، جۇمىسپەن قامتۋ، بيزنەس پەن وتاندىق تاۋار وندىرۋشىلەردى ىنتالاندىرۋ جانە قولداۋ كورسەتۋ ماسەلەلەرى دە پىسىقتالدى. بۇدان وزگە، سۋپەرماركەتتەر مەن بازارلاردا ازىق-تۇلىك باعاسىن باقىلاۋدا ۇستاۋ ماڭىزدى ەكەنى ايتىلدى.
