ەۋرووداق ا ق ش- تىڭ ەۋروپالىقتاردىڭ كەلۋىنە تىيىم سالۋ تۋرالى شەشىمىن ايىپتادى
بۇل تۋرالى قازاقپاراتتىڭ مەنشىكتى ءتىلشىسى حابارلايدى.
«كوروناۆيرۋس - بۇل جاھاندىق داعدارىس، ول قانداي دا ءبىر كونتينەنتپەن شەكتەلمەيدى جانە ءبىرجاقتى ارەكەتتەردى ەمەس، ىنتىماقتاستىقتى تالاپ ەتەدى»، - دەلىنگەن بەيسەنبى كۇنى تاراتىلعان بىرلەسكەن مالىمدەمەدە.
«ەۋروپالىق وداق ەلگە كىرۋگە تىيىم سالۋدى ەنگىزۋ تۋرالى ا ق ش- تىڭ شەشىمى ءبىرجاقتى تارتىپتە جانە كەڭەسپەي قابىلدانعانىن ماقۇلدامايدى»، - دەپ اتاپ ءوتتى ميشەل مەن فون دەر ليايەن.
الايدا ولار «ەۋروپالىق وداق ۆيرۋستىڭ تارالۋىن شەكتەۋ ءۇشىن باتىل شارالاردى قابىلداۋدا» دەپ سەندىردى.
ەسكە سالا كەتەيىك، بۇعان دەيىن ا ق ش پرەزيدەنتى دونالد ترامپ كوروناۆيرۋستىڭ تارالۋىنا جول بەرمەۋ ءۇشىن قۇراما شتاتتاردىڭ ەۋروپامەن اراداعى كەز كەلگەن قاتىناسى، سونىمەن بىرگە تەڭىز جانە اۋە تاسىمالىنىڭ 30 كۇنگە جابىلاتىنىن جاريالاعان بولاتىن.
