قازاقستاندا كاسىپكەرلەرگە كومەك بەرەتىن جەدەل شتاب اشىلدى

«كوروناۆيرۋس سالدارىنان تاۋار جەتكىزىلىمدەرى تىزبەگىنىڭ ءۇزىلۋى جانە قازاقستانداعى نەگىزگى ەكسپورتتىق پوزيتسيالارىنا الەمدىك باعالاردىڭ ايتارلىقتاي تومەندەۋىنە بايلانىستى «اتامەكەن» ۇلتتىق كاسىپكەرلەر پالاتاسى وتاندىق بيزنەسكە تۇسەتىن تەرىس اسەردى تومەندەتۋ ماقساتىندا جەدەل شتاب قۇردى»، دەلىنگەن حابارلامادا.

كاسىپكەرلەر پالاتاسى جەدەل شتابتىڭ مىندەتتەرىن ايقاندادى.

شتاب بيزنەسكە كەلتىرىلۋى مۇمكىن تاۋەكەلدەردى جانە اعىمداعى ەكونوميكالىق سيتۋاتسياداعى تەرىس سالداردى باعالاۋ: يمپورتتىق شيكىزات، جابدىق جانە قوسالقى بولشەكتەردى ساتىپ الۋداعى پروبلەمالار؛ قارجىعا قولجەتىمدىلىك (قاراجات اينالىمى، ۆاليۋتالىق زاەم، قايتا قارجىلاندىرۋ قاجەتتىلىگى جانە ت. ب.)؛ بيزنەستەن الىنعان مالىمەتتەردى كۇندەلىكتى نەگىزدە جۇيەلەيدى جانە وڭدەيدى. سونداي-اق، بيزنەستىڭ دامۋىنا مۇمكىندىكتەردى انىقتاۋ (وتكىزۋ نارىقتارى، قولداۋ شارالارى)؛ بيزنەستەن الىنعان مالىمەتتەر نەگىزىندە ۇكىمەتكە ۇسىنىمدار ازىرلەيدى.

بيزنەس وكىلدەرىمەن كەرى بايلانىس ۇ ك پ- نىڭ call-ورتالىعى ارقىلى (ءنومىر 1432) ىسكە اسىرىلادى. مىنا سىلتەمەدە قىسقاشا ساۋالناماداعى سۇراقتارعا جاۋاپ بەرىپ، سۇراقتار قويىپ، ۇسىنىستار قالدىرۋعا بولادى.

«ۇلتتىق كاسىپكەرلەر پالاتاسى وتاندىق بيزنەس- قوعامداستىقتى ورىن العان ماسەلەلەر بويىنشا جەدەل كەرى بايلانىس ورناتۋعا، ۇسىنىستار بەرۋگە، سونداي-اق جەكە بيزنەسكە ىقتيمال بولعان تاۋەكەلدەر مەن مۇمكىن بولاتىن سالدار تۋرالى حابارلاۋعا شاقىرادى»، دەلىنگەن .

ەسكە سالا كەتسەك، بۇگىن ق ر پرەمەر-ءمينيسترى اسقار ماميننىڭ توراعالىعىمەن يمپورتتى الماستىرۋ جانە ەكسپورتتى ىلگەرىلەتۋ جونىندەگى ۆەدومستۆوارالىق كوميسسيانىڭ (ۆ ا ك) ەكىنشى وتىرىسى ءوتتى. جيىندا ۇكىمەت باسشىسى مەملەكەت بيزنەستى قولداۋ جانە كاسىپكەرلىكتى دامىتۋ شارالارىن كەڭەيتەتىنىن ءمالىم ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى