الماتىدا كوروناۆيرۋس قاۋپىن ازايتۋ ءۇشىن كوشى-قون احۋالى باقىلاۋعا الىندى

وتىرىس بارىسىندا جۇقپالى اۋرۋدىڭ تارالۋىنىڭ الدىن الۋ بويىنشا قانداي شارالار اتقارىلىپ جاتقانى ايتىلدى.

«الماتىعا كىرەتىن جولداردىڭ بارلىعى جابىق. باقىلاۋدا تۇر. ۇلكەن الەمگە شىعاتىن تەرەزە - اۋەجاي. اۋەجايدا فيلتراتسيا جۇيەسى ورناتىلعان. 1-ساناتتاعى ەلدەردەن كەلگەن جولاۋشىلار ءۇشىن بولەك تەرمينال جاساقتالعان»، - دەدى ەرجان باباقۇماروۆ.

ونىڭ ايتۋىنشا، قازىر 1-ساناتتاعى ەلدەردەن كەلگەن تۇلعالار باقىلاۋعا الىنعان.

1 - اقپاننان باستاپ الماتىعا 12,5 مىڭ ادام وتكەن. ونىڭ بارلىعى باقىلاۋدا.

«كەلگەن شەتەلدىكتەردىڭ دەنساۋلىعىن %99,9 باقىلاۋدا ۇستاپ وتىرمىز. 12,5 مىڭ ادامنىڭ 4 مىڭى - شەتەل ازاماتتارى، ونىڭ 350 ءى - قىتايلىقتار. مۇنىڭ الدىندا اۋەجاي ارقىلى تاۋلىگىنە 50 رەيس وتەتىن بولسا، قازىر ونىڭ سانى 30-50 ارالىعىندا. كۇندە اۋەجاي ارقىلى 2,5-3 مىڭ ادام وتەدى. ياعني، كوشى-قون ستاتيستيكاسى ازايعان سايىن اۋرۋدىڭ جۇعۋ مۇمكىندىگى دە ازايا تۇسەدى»، - دەدى اكىمنىڭ ورىنباسارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى