دۇنيەجۇزىلىك دەنساۋلىق ساقتاۋ ۇيىمى كوروناۆيرۋستى پاندەميا دەپ باعالادى

سەبەبى ۆيرۋس كوپتەگەن ەلدە جانە قۇرلىقتاردا تاراپ ۇلگەردى، دەپ حابارلايدى قازاقپارات BBC عا سىلتەمە جاساپ.

«بۇعان دەيىن كوروناۆيرۋس تۋدىرعان پاندەميامەن بەتپە- بەت كەلگەن ەمەسپىز. جانە باقىلاۋدا ۇستاۋعا بولاتىن پاندەميامەن ەشقاشان كۇرەسكەن ەمەسپىز. [.. .] 114 ەلدە تىركەلگەن 118 مىڭ جاعدايدىڭ 90 پايىزدان استامى ءتورت مەملەكەتتە انىقتالىپ وتىر. ونىڭ ەكەۋىندە - قىتاي جانە وڭتۇستىك كورەيادا سىرقاتتانعاندار سانى ايتارلىقتاي ازايدى» ، - دەپ مالىمدەدى د د ۇ.

د د ۇ باسشىسى تەدروس ادحانوم گەبرەيەسۋس Covid-19 تارالۋىنىڭ جاڭا كلاسسيفيكاتسياسى جاڭا كوروناۆيرۋسپەن قالاي كۇرەسۋ كەرەكتىگى تۋرالى ۇسىنىستارعا وزگەرىس ەنگىزبەيدى.

«جاعدايدى پاندەميا دەپ جاريالاۋ د د ۇ- نىڭ اتالمىش كوروناۆيرۋستان كەلەتىن قاۋىپتىڭ باعالاۋىن ەش وزگەرتپەيدى. بۇل، د د ۇ جاساپ جاتقان شارالارعا جانە ەلدەر جاساۋى ءتيىس شارالارعا اسەر ەتپەۋى ءتيىس» ، - دەلىنگەن ۇيىمنىڭ اقپاراتىندا.

وسى رەتتە، تەدروس ادحانوم گەبرەيەسۋس ەل ۇكىمەتتەرىن «شۇعىل ءارى اگرەسسيۆتى شارالار» قابىلداۋعا ۇندەدى.

ال د د ۇ- نىڭ Facebook تەگى رەسمي پاراقشاسىندا كەلتىرىلگەن ۇيىم باسشىسىنىڭ سوزىنە سۇيەنسەك، الداعى كۇندەرى ۆيرۋستىڭ ءورشۋى كۇتىلىپ وتىر.

«الداعى تاياۋ كۇندەرى جانە تاياۋ اپتادا COVID-19 ءتى جۇقتىرۋ فاكتىلەرى، ءولىم جاعدايلارى جانە زارداپ شەككەن ەلدەر سانى بۇدان دا ارتاتىنىن بولجاپ وتىرمىز. د د ۇ بۇل ىندەتكە تاۋلىك بويى باعالاۋ جۇرگىزۋدە جانە ءبىز ونىڭ تارالۋ جىلدامدىعىنا ، اۋىرلىعىنا، سونداي- اق شاراسىز وتىرۋدىڭ قاۋىپتى دەڭگەيىنە الاڭداۋشىلىق بىلدىرەمىز. سوندىقتان، COVID-19-دا پاندەميا دەپ ميپاتتاۋعا بولادى دەگەن باعالاۋ جاسادىق» ، - دەدى ت. گەبرەيەسۋس.

دۇنيەجۇزىلىك دەنساۋلىق ساقتاۋ ۇيىمىنىڭ تەرمينولوگياسىنا سايكەس، ەپيدەميا - اۋرۋدىڭ ءبىر وڭىردە كەنەتتەن تاراۋى. ال پاندەميا - اۋرۋدىڭ الەم بويىنشا بەلەڭ الۋى.

11 - ناۋرىزداعى جاعداي بويىنشا، كوروناۆيرۋستى 118 ەلدە 118140 ادام جۇقتىردى، 4293 ادام كوز جۇمدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى