اقمەشىت ۇڭگىرىن ورتەپ، توناپ كەتكەندەر ىزدەستىرىلۋدە
بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى. 5- ناۋرىز كۇنى تاڭەرتەڭ جەرگىلىكتى تۇرعىنداردىڭ ءبىرى اقمەشىت ۇڭگىرىندە تاپشاندار مەن ۇستەلدەردىڭ ورتەنگەنى تۋرالى پوليتسياعا حابارلاعان.
سونداي- اق ول بۇزاقىلاردىڭ ۇڭگىردەگى قازاندار مەن ساماۋرىندى جانە باسقا دا زاتتاردى ۇرلاپ كەتكەنىن ايتقان. كەلتىرىلگەن شىعىن 300 مىڭ تەڭگەدەن اسادى. قازىرگى ۋاقىتتا سوتقا دەيىنگى تەرگەۋ ءجۇرىپ جاتىر. پوليتسەيلەر وقيعانىڭ ءمان- جايىن انىقتاپ، كۇدىكتىلەردى ىزدەستىرۋدە. اقمەشىت ۇڭگىرى تۇركىستان وبلىسى بايدىبەك اۋدانىندا ورنالاسقان. جىل سايىن مۇندا 70 مىڭنان اسا تۋريست كەلەدى.
www.24.kz
