جاڭعاق اسقازانعا پايدالى

جاڭعاقتىڭ قانداعى حولەستەريندى ازايتىپ، تامىر مەن جۇرەك جۇمىسىن جاقسارتاتىنىن پەنسيلۆانيا ۋنيۆەرسيتەتىنىڭ عالىمدارى بۇعان دەيىن دە دالەلدەگەن ەدى. ەندى عالىمدار جاڭعاقتىڭ اسقازان مەن ىشەك جۇمىسىنا قالاي اسەر ەتەتىنىن انىقتاماق نيەتپەن 30 بەن 65 جاستاعى 42 ادامعا زەرتتەۋ جاساعان. ولاردى ءۇش توپقا ءبولىپ، بىرىنە گرەك جاڭعاعى قوسىلعان ديەتا بەرىلسە، ەكىنشىسىنە جاڭعاعى جوق، ال ۇشىنشىسىنە جاڭعاق قوسىلعان قىشقىلى بار ديەتا بەرىلگەن. تاجىريبە 6 اپتاعا سوزىلعان. زەرتتەۋ بىتكەننەن كەيىن عالىمدار گرەك جاڭعاعىن كۇندە جەپ جۇرگەن ادامنىڭ اسقازانى جاقسارىپ، ىشەكتەگى پايدالى باكتەريالاردىڭ كوبەيەتىنىن بايقاعان. - اسىرەسە، ىشەكتىڭ ىشكى قاباتىن قورعاۋعا اتسالىساتىن Roseburia باكتەرياسىنىڭ كوبەيۋىنە ىقپال ەتتى. سونداي- اق Eubacteria eligens پەن Butyricicoccus باكتەرياسىنىڭ دا كوبەيگەنىن بايقادىق، - دەيدى زەرتتەۋ اۆتورلارىنىڭ ءبىرى كريستينا پەتەرسەن (Kristina Petersen) .

اۆتورلار ىشەك ميكروبيوماسى مەن جۇرەك قان تامىرلارىنىڭ جاقسارۋى قاتار جۇرەتىن پروتسەسس دەيدى. ماسەلەن، Eubacteria eligens باكتەرياسى كوبەيسە، قان قىسىمىنىڭ ازايىپ، Lachnospiraceae باكتەرياسى كوبەيسە، ارتەريالدى قان قىسىمىنىڭ تومەندەۋىنە، حولەستەريننىڭ ازايۋيىنا اكەلەدى ەكەن. ال گرەك جاڭعاعىن جەمەگەن ادامداردا مۇنداي وزگەرىس بايقالعان جوق. - كۇندە گرەك جاڭعاعىن جەۋ ارقىلى تاماقتانۋدى جاقسارتۋعا بولادى، - دەيدى پەتەرسەن.

عالىمدار كۇندە 50-80 گرامم گرەك جاڭعاعىن جەگەن ادامنىڭ ىشەك پەن جۇرەك جۇمىسى جاقسارىپ، دەنساۋلىعىنا وڭالادى دەيدى.

- جاڭعاقتىڭ قۇرامىندا ماي قىشقىلى، جاسۇنىق، بيولوگيالىق بەلسەندى قوسپالار بار. بۇل ىشەك ميكروفلوراسىنا ازىق بولادى. ال پايدالى باكتەريالار كوبەيسە، اعزاعا پايدالى مەتابوليت بولىنەدى، - دەيدى عالىم.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى