كوروناۆيرۋس كونگو مەن يامايكاعا دا جەتتى

سونىمەن ساحارادان وڭتۇستىككە قاراي افريكا ەلدەرى اراسىندا ۆيرۋس جۇقتىرعانداردىڭ جالپى سانى جەتى ادامعا جەتتى، دەپ حابارلايدى قازاقپارات Reuters اگەنتتىگىنە سىلتەمە جاساپ.

ەلدىڭ دەنساۋلىق ساقتاۋ ءمينيسترى ەتەني لونگودونىڭ ايتۋىنشا، فرانسيادا تۇراتىن كونگو ازاماتىنان ۆيرۋس تابىلعان. ول 8 - ناۋرىزدا كونگوعا ۇشىپ كەلگەن. ناۋقاس پەن ونىڭ جانىندا بولعان ادامدار كارانتينگە جاتقىزىلدى.

بۇعان دەيىن حابارلاعانداي، ۆيرۋس جۇقتىرۋدىڭ بىرنەشە جاعدايى نيگەريادا، سەنەگالدا، وڭتۇستىك افريكادا، كامەرۋندا، توگو مەن بۋركينو-فاسودا تىركەلدى. سولتۇستىك افريكا ەلدەرىندە اۋرۋ جۇقتىرعان ونداعان جاعداي انىقتالدى.

سونداي-اق يامايكانىڭ دەنساۋلىق ساقتاۋ مينيسترلىگى ەلدە كينگستوندا كوروناۆيرۋس جۇقتىرعان العاشقى جاعدايدى راستادى.

مينيسترلىكتىڭ رەسمي سايتىندا جاريالانعان مالىمدەمەگە سايكەس، يامايكا ازاماتىنان ۆيرۋس انىقتالعان. ول 4 ناۋرىزدا ۇلى بريتانيادان ورالعان. 9 - ناۋرىز كۇنى ول مەديتسينالىق كومەككە جۇگىنگەن. قازىر ۆيرۋس جۇقتىرعان ناۋقاس ايەل كارانتيندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى