ماسكەۋدە كوروناۆيرۋسقا بايلانىستى بۇقارالىق شارالارعا شەكتەۋ قويىلدى

بۇل شەكتەۋ 10-ساۋىرگە دەيىن جالعاسادى، دەپ حابارلايدى قازاقپارات تاسس اگەنتتىگىنە سىلتەمە جاساپ.

«بۇگىن مەن ماسكەۋدە 5 مىڭنان استام ادامنىڭ قاتىسۋىمەن وتەتىن بۇقارالىق شارالاردى وتكىزۋگە تىيىم سالۋ تۋرالى جارلىققا قول قويدىم»، - دەپ حابارلادى سەيسەنبى كۇنى سوبيانين ءوز جازباسىندا.

ونىڭ ايتۋىنشا، فۋتبول جانە حوككەي ويىندارىن قوسا العاندا، سپورتتىق ءىس-شارالارعا كەلۋشىلەرگە دە شەكتەۋ قويىلادى، قاتىسۋشىلار مەن جانكۇيەرلەر سانى 5 مىڭنان اسپاۋى كەرەك.

سوبيانين كوروناۆيرۋستىق ينفەكسيانىڭ تارالۋ جاعدايى قيىنداعانىن اتاپ ءوتتى. «ءبىز يتالياداعى، گەرمانيادا جانە باسقا دا ەۋروپالىق كورشىلەرىمىزدە جاعداي قالاي اسقىنىپ جاتقانىن كورىپ وتىرمىز»، - دەلىنگەن حابارلامادا.

وسىعان بايلانىستى، ماسكەۋ مەرى ادامداردىڭ دەنساۋلىعىن قورعاۋ ءۇشىن قوسىمشا شەكتەۋ شارالارىن قابىلداۋ قاجەت ەكەنىن ايتتى.

ەسكە سالا كەتەيىك، كوروناۆيرۋس ينفەكسياسى جەلتوقسان ايىندا ق ح ر-دا تارالا باستادى. قازىرگى ۋاقىتتا 100 دەن استام ەلدە ۆيرۋس جۇقتىرۋ جاعدايلارى انىقتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى