سەمەيدە اباي مەرەيتويىنا وراي حالىقارالىق اقىندار ايتىسى وتەدى
بۇل جايلى قالالىق مادەنيەت جانە تىلدەردى دامىتۋ ءبولىمىنىڭ باسشىسى نازەركە اققوجينا ءمالىم ەتتى.
«وتكەن جىلى حاكىمنىڭ مەرەيتويىنا دايىندالۋ ءۇشىن ارنايى جۇمىس توبى قۇرىلعان بولاتىن. ونىڭ قۇرامىنا ابايتانۋشى عالىمدار، تاريحشىلار، قوعام قايراتكەرلەرى، جۋرناليستەر، جوعارى جانە ارنايى ورتا وقۋ ورىندارىنىڭ باسشىلارى، جەرگىلىكتى اتقارۋشى ورگانداردىڭ وكىلدەرى كىردى. جان- جاقتى تالقىلاۋدان كەيىن 200 شارا وتكىزۋ جوسپارلانعان»، - دەيدى ول.
ونىڭ ايتۋىنشا، ابايدىڭ 175 جىلدىعى اياسىنداعى ەڭ اۋقىمدى شارالار - حالىقارالىق سۋرەتشىلەر پلەنەرى، يۋنەسكو كولەمىندەگى عىلىمي- پراكتيكالىق كونفەرەنسيا، «اقىلدىڭ كەنى - دانىشپان» تاقىرىبىنداعى حالىقارالىق ايتىس بولماق.
اۆتور: تالعاتجان مۇحامەتبەك ۇلى
