ازياداعى ەڭ باي ادام

Bloomberg اگەنتتىگى حابارلاعانداي، قىتايلىق ميللياردەر ءۇندىستاندىق Reliance Industries حولدينگىنىڭ يەسى مۋكەش ءامبانيدى باسىپ وزدى. قازىرگى تاڭدا دجەك مانىڭ بايلىعى 44,5 ميلليارد دوللارعا جەتكەن. الەمدەگى ەڭ باي ادامدار تىزىمىندە 18-ورىنعا كوتەرىلدى. ال بىرنەشە تاۋلىك ىشىندە 5,8 ميلليارد دوللار شىعىنعا باتقان مۋكەش امباني ءبىر ورىن تومەن جىلجىدى. ونىڭ قازىرگى بايلىعى - 41,8 ميلليارد دوللار. ءۇندىستاندىق ميللياردەردىڭ شىعىنعا باتۋىنا مۇناي باعاسىنىڭ قۇلدىراۋى اسەر ەتكەن. ال دجەك مانىڭ كوپ شىعىنعا باتپاۋىنا ءموبيلدى قوسىمشالار جانە كومپانيانىڭ بۇلتتى ساقتاۋ جۇيەسىن قولدانا وتىرىپ دەرەكتەردى وڭدەۋ قىزمەتتەرىنە سۇرانىستىڭ ارتۋى سەپ بولعان.

Alibaba كورپوراتسياسى 1999 -جىلى قۇرىلعان. الەمدەگى ەلەكتروندى ساۋدا نارىعىنداعى ەڭ ۇلكەن كومپانيالاردىڭ ءبىرى. دجەك ما 2019 -جىلدىڭ 10 - قىركۇيەگىندە كورپوراتسيانىڭ 20 جىلدىعى قارساڭىندا زەينەتكە شىعىپ، ءوز قىزمەتىنەن كەتتى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى