الەمدەگى ەڭ باي ايەل بالالارىنا نە ءۇشىن مۇرا قالدىرمايتىنىن مالىمدەدى
ونىڭ مۇنداي شەشىمگە كەلۋىنە وسى زامانعى قوعامداعى ەكونوميكالىق- الەۋمەتتىك تەڭسىزدىك پەن ادىلەتسىزدىك تۇرتكى بولعانىن جاسىرمادى. ءارى بۇگىنگى كۇننىڭ اششى شىندىعىنا اينالعان تەڭسىزدىك پەن ادىلەتسىزدىككە قۇرىلعان جۇيەنى سىنعا الدى.
ول الەمدە ات توبەلىندەي از عانا توپتىڭ جارتى الەمنىڭ بايلىعىن جامباسىنا باسىپ جاتقانىنا قىنجىلىس ءبىلدىردى. وسىلاي دەي كەلە ول ءبىر عانا اۋلەتتىڭ بايلىعى ۇرپاقتان ۇرپاققا ارتا بەرگەنىن قالامايتىنىن جەتكىزدى. كۇيەۋى باقيلىق بولعاننان كەيىن وزىنە قالعان بار بايلىقتى قايىرىمدىلىق شارالارى مەن الەۋمەتتىك جوبالارعا جۇمسايتىنىن تىلگە تيەك ەتتى. 57 جاستاعى لورەن پاۋەلل دجوبستىڭ الەمدەگى داۋلەتى شالقىعان ەڭ باي ايەل. ونىڭ بايلىعى 21,6 ميلليارد دوللار (2019 -جىلدىڭ قازان ايىنداعى مالىمەت بويىنشا). ول 2004 -جىلى Emerson Collective قايىرىمدىلىق ۇيىمىن اشقان بولاتىن. الەۋمەتتىك تەڭسىزدىكتى ازايتۋعا باعىتتالعان.
