يتاليادان كەلگەندەرگە قازاقستانعا كىرۋگە تىيىم سالىندى

«ءبىزدى ەۋرووداق ەلدەرىندە، سونىڭ ىشىندە يتاليادا كوروناۆيرۋسپەن اۋىراتىندار سانىنىڭ ءوسۋى الاڭداتادى. 8 - ناۋرىزدان باستاپ يتاليادان كەلگەن ازاماتتارعا عانا ەمەس، سول جاقتا تۇرعان شەتەلدىك ازاماتتارعا دا ءبىزدىڭ ەلگە كىرۋگە تىيىم سالىنعان. يتاليا جاعدايى ناشار، ياعني «ا» كاتەگورياسىنا، ءبىرىنشى توپقا كىرەتىن ەلدەر تىزىمىندە. يتاليا دەرتكە شالدىققاندار سانى بويىنشا قىتايدان كەيىن ەكىنشى ورىندا تۇر» ، - دەدى جانداربەك بەكشين ورتالىق كوممۋنيكاتسيالار قىزمەتىندە وتكەن بريفينگتە.

سونىمەن قاتار، فرانسيا، گەرمانيا سياقتى ەلدەردە اتالعان دەرتكە شالدىققاندار سانى كوبەيۋدە. اۋرۋدىڭ كۇرت ءوسۋى شۆەيتساريا، نيدەرلاند جانە شۆەتسيادا بايقالادى.

«جاعداي ءار 2-3 كۇن سايىن وزگەرۋدە. ق ر دەنساۋلىق ساقتاۋ مينيسترلىگى 6 - قاڭتاردان باستاپ تاۋلىك بويعى جۇمىس تارتىبىنە كوشتى. بۇل بىزگە كۇن سايىن جاعدايعا مونيتورينگ جاساپ، باقىلاۋدى كۇشەيتۋ بويىنشا جەدەل شارا قابىلداۋعا كومەكتەسەدى. بۇگىنگى كۇگى «ا» ساناتىنداعى قىتاي، وڭتۇستىك كورەيا ەلدەرىنە يتاليا قوسىلدى. ءبىز اسا قاجەت جاعداي بولماسا قازاقستاندىقتارعا ەۋروپالىق مەملەكەتتەرگە، ونىڭ ىشىندە جوعارىدا اتاپ وتكەن مەملەكەتتەرگە بارماۋدى ۇسىنامىز. سونداي- اق، ول جاقتان ەشكىمدى قوناققا نەمەسە جۇمىس بويىنشا شاقىرۋدىڭ قاجەتى جوق» ، - دەيدى ول.

كوروناۆيرۋس بويىنشا «ا» ساناتىنا ق ح ر، يران، وڭتۇستىك كورەيا، يتاليا كىرەتىنىن ايتا كەتۋ كەرەك. «1ب» ساناتىنا فرانسيا، گەرمانيا، يسپانيا كىرەدى. ەكىنشى ساناتقا شۆەتسيا، ۇلى بريتانيا، نيدەرلاند كىرسە، ءۇشىنشى ساناتتا بەلگيا، شۆەتسيا، نورۆەگيا، ءۇندىستان، يراك، فيليپپين جانە ا ق ش تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى