رەسەي، وزبەكستان، قىرعىزستان، تۇرىكمەنستان، قىتايمەن شەكاراداعى بەكەتتەر قاشان جاڭعىرتىلادى
بۇل جايىندا ق ر پرەمەر- ءمينيسترى اسقار ءماميننىڭ سەنات دەپۋتاتتارى ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.
«بۇگىنگى كۇنى ينفراقۇرىلىمدى دامىتۋدىڭ 2020-2025 -جىلدارعا «نۇرلى جول» مەملەكەتتىك باعدارلاماسى اياسىندا قازاقستان رەسپۋبليكاسىنىڭ مەملەكەتتىك شەكاراسىنداعى وتكىزۋ پۋنكتەرىنىڭ ينفراقۇرىلىمىن دامىتۋ جانە تەحنيكالىق جاراقتاندىرۋ كوزدەلگەن. وسىلايشا، رەسەي فەدەراتسياسىمەن شەكارادا 2020-2025 -جىلدار ارالىعىندا كەزەڭ- كەزەڭىمەن 27 اۆتوموبيل جانە 11 تەمىرجول وتكىزۋ پۋنكتىلەرىن رەكونسترۋكتسيالاۋ جوسپارلانۋدا. وسى شارالاردى ىسكە اسىرۋ يندۋستريا جانە ينفراقۇرىلىمدىق دامۋ مينيسترلىگى مەن رەسەي فەدەراتسياسى كولىك مينيسترلىگىنىڭ اراسىنداعى وتكىزۋ پۋنكتىلەرىنىڭ جۇمىس ىستەۋى جونىندەگى بىرلەسكەن ءىس- قيمىل جوسپارى اياسىندا جۇرگىزىلەدى» ، - دەدى پرەمەر- مينيستر.
ۇكىمەت باسشىسىنىڭ اتاپ وتۋىنشە، اتالعان جوسپاردى ىسكە اسىرۋ ءۇشىن مينيسترلىك رەكونسترۋكتسيالاۋدىڭ ناقتى مەرزىمدەرى مەن جۇزەگە اسىرۋ كەزەڭدەرى ايقىندالعان وتكىزۋ پۋنكتەرىن رەكونسترۋكتسيالاۋ جونىندەگى جول كارتاسىن ازىرلەدى جانە وعان قول قويدى. ول رەسەي فەدەراتسياسىنىڭ كولىك مينيسترلىگىندە قول قويىلۋ ساتىسىندا.
«اياقتالۋى وسى جىلدىڭ سوڭىنا كوزدەلگەن قىرعىزستانمەن شەكارادا «قورداي» وتكىزۋ پۋنكتىن رەكونسترۋكسيالاۋ جوسپارلانعان. بۇل رەتتە قازاقستان- قىرعىزستان شەكاراسىنداعى قالعان وتكىزۋ پۋنكتتەرىن رەكونسترۋكتسيالاۋدى 2025 -جىلدىڭ سوڭىنا دەيىن ىسكە اسىرۋ جوسپارلانۋدا. سونداي- اق 2020 -جىلدىڭ سوڭىنا دەيىن بيۋدجەتتىك قاراجات ەسەبىنەن قازاقستان- وزبەكستان شەكاراسىنداعى «ب. قونىسبايەۆ» وتكىزۋ پۋنكتىن رەكونسترۋكسيالاۋ جانە تەحنيكالىق جاراقتاندىرۋ جۇمىستارىن اياقتاۋ جوسپارلانۋدا. قىتاي حالىق رەسپۋبليكاسىنىڭ ۇكىمەتتىك جەڭىلدىك قارىزى اۋقىمىندا قىتاي حالىق رەسپۋبليكاسىنىڭ (4 اۆتوموبيل جانە 1 تەمىرجول) ، وزبەكستان رەسپۋبليكاسىنىڭ (4 اۆتوموبيل) ، تۇركىمەنستان رەسپۋبليكاسىنىڭ (1 اۆتوموبيل) شەكارالارىندا 10 اۆتوموبيل جانە 1 تەمىرجول وتكىزۋ پۋنكتىن جاڭعىرتۋ جانە تەحنيكالىق جاراقتاندىرۋ جۇرگىزۋ جوسپارلانۋدا» ، - دەدى اسقار مامين.
ايتا كەتەيىك، سەنات دەپۋتاتتارىنىڭ پرەمەر- مينيستر اتىنا جولدانعان ساۋالىندا وتكىزۋ بەكەتتەرىندەگى كەمشىلىكتەر اتاپ وتىلگەن.
«جاعدايدى جاقسارتۋ باعىتىندا ازداپ ىلگەرىلەۋشىلىك بار، ونى ايتا كەتكەنىمىز ءجون، ءبىراق جالپى جاعداي قاناعاتتانارلىقسىز. مەملەكەتتىك شەكارا ارقىلى وتەتىن 27 تەمىرجول وتكىزۋ پۋنكتىنىڭ تەك 4 ەۋى عانا بەلگىلەنگەن تالاپتارعا سايكەس كەلەدى. رەسەيمەن شەكاراداعى 20 تەمىرجول وتكىزۋ پۋنكتىنىڭ ينفراقۇرىلىمى ءالى دە جوندەۋدى تالاپ ەتەدى. بۇل ءسوزسىز شەكارالىق باقىلاۋدىڭ ساپاسىنا اسەر تيگىزەدى. اۆتوكولىك وتكىزۋ پۋنكتتەرىنىڭ ينفراقۇرىلىمىنىڭ تالاپتارعا ساي كەلمەۋىنە بايلانىستى (بارلىعى 52, ونىڭ ىشىندە ق ح ر شەكارادا - 5 جانە «قورعاس» شى ح و- نىڭ 1 وتكىزۋ پۋنكتى، ق ر - 7, ءو ر - 8, ت ر - 1, ر ف - 30) رەسەي، قىرعىزستان جانە وزبەكستانمەن شەكارادا جۇك كولىك قۇرالدارىنان كەپتەلىستەر ءجيى بولىپ تۇرادى» ، - دەدى سەناتورلار.
