قىتاي عالىمدارى كوروناۆيرۋسقا قاتىستى كۇتپەگەن مالىمدەمە جاسادى

ولار بۇل دەرتتەن ەمدەلىپ شىققان ادامدار ءومىر بويى وسى اۋرۋدىڭ زاردابىن تارتۋى مۇمكىن ەكەنىن العا تارتتى دەپ حابارلايدى Sputnik قازاقستان.

مامانداردىڭ پىكىرىنشە، كوروناۆيرۋس يىنفەكتسياس ادامنىڭ وكپە ءتىنى مەن يممۋندى جۇيەسىن زاقىمدايدى. بۇل تۋرالى «ارگۋمەنتى نەدەلي» باسىلىمى جازادى.

بۇل دەگەنىمىز - كوروناۆيرۋستان ەمدەلىپ شىققان ادامنىڭ دەنساۋلىعى بولاشاقتا دا سىر بەرۋى مۇمكىن.

جۋڭنان اۋرۋحاناسىنىڭ قىزمەتكەرى پەن جيۋن بۇل دەرتتەن ايىققان ناۋقاس ءومىر بويىنا دەمىكپەدەن زارداپ شەگەتىنىن ءتۇسىندىردى.

«COVID-19 ۆيرۋسىنىڭ ورگانيزمگە اسەرى ورۆي مەن سپيدتىڭ كومبيناتسياسىنا ۇقسايدى. ويتكەنى ول وكپەنى دە، يممۋندى جۇيەنى دە زاقىمدايدى»، - دەپ اتاپ ءوتتى دارىگەر.

ول اۋرۋدىڭ ەرتە ساتىسىندا، ەڭ الدىمەن، وكپەنى قورعاۋ كەرەك ەكەنىن العا تارتتى.

ەستەرىڭىزگە سالا كەتسەك، 2019-جىلدىڭ 31- جەلتوقسانىندا قىتاي بيلىگى دۇنيەجۇزىلىك دەنساۋلىق ساقتاۋ ۇيىمىنا حۋبەي پروۆينسياسىنىڭ ۋحان قالاسىندا بەلگىسىز پنيەۆمونيا تارالىپ جاتقانى تۋرالى حابارلادى.

سوڭعى دەرەك بويىنشا، الەمدە كوروناۆيرۋس جۇقتىرعاندار سانى 110034 ادامدى قۇراپ وتىر، ينفەكتسيا 100 دەن استام ەلگە جەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى