موڭعوليادا كوروناۆيرۋس ينفەكتسياسى تىركەلدى

ينفەكتسيا جۇقتىرعان ازامات 2020-جىلدىڭ 2 - ناۋرىزىندا موڭعولياعا ماسكەۋ-ۋلاانبااتار باعىتىنا قاتىنايتىن ۇشاقپەن كەلگەن. ول — بۇل ەلدە ۋاقىتشا تۇرۋعا تىركەلگەن 56 جاستاعى فرانسيا ازاماتى.

ودان الىنعان الدىن الا زەرتتەۋلەر ناتيجەسىندە ونىڭ «COVID-19» ۆيرۋسىن جۇقتىرعانى انىقتالدى.

سىرقات قازىرگى ۋاقىتتا دورنوگوۆ ايماعىنىڭ ۋلاانبادراح سۇمىنىندا (اۋىل) ورنالاسقان «اريەۆا» (موڭعولشا «بادراح ەنەرجي») كومپانياسىنىڭ عيماراتىندا وقشاۋلانعانى جايلى رەسمي دەرەككوزدەر مالىمدەپ وتىر. وقشاۋلانعان فرانسۋز «اريەۆا» كومپانياسىندا جۇمىس ىستەيدى.

بۇگىن تاڭەرتەڭگى ساعات 6 دا توتەنشە جاعدايلار جونىندەگى ارنايى كوميسسيا باسشىسى، پرەمەر-ءمينيستردىڭ ورىنباسارى ءولزيسايحانى ەنحتۇۆشيننىڭ كەڭسەسىندە شۇعىل جينالىس وتكىزىپ، ناۋقاسپەن اۋە رەيسىندە، قوناق ۇيلەر مەن پويىزدا بىرگە بولعان ازاماتتاردى انىقتادى. جول قاتىناستارىن كەلەر دۇيسەنبىگە دەيىن توقتاۋعا شەشىم قابىلدادى.

بۇل جونىندە موڭعوليانىڭ توتەنشە جاعدايلار جونىندەگى ارنايى كوميسسيانىڭ باستىعى، پرەمەر-ءمينيستردىڭ ورىنباسارى ولزييسايحانى ەنحتۇۆشين: «الدىن الا بولجام بويىنشا ازامات كوروناۆيرۋس جۇقتىرعان. الايدا قايتادان تەست تاپسىرىپ، راستايمىز. ەگەر جاعداي اۋىرلايتىن بولسا، ەۋروپاعا ۇشاتىن اۋە رەيستەرىنىڭ بارلىعىن توقتاتامىز»، - دەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى