ساراپشى دوللار باعامىنا قاتىستى: ايىرباستاۋ ورىندارىنا جۇگىرۋدىڭ قاجەتى جوق
«كەيبىر ۆاليۋتا ايىرباستاۋ ورىندارى ءبىر دوللاردى 400 تەڭگەگە باعالاۋدا. قازىرگى جاعدايدا بۇل لايىقتى باعا ما؟»، - دەپ سۇرادى تەلەارنا ءتىلشىسى سەرگەي دومنيننەن.
ءوز كەزەگىندە ساراپشى مۇناي قۇنى، رۋبل باعامى تومەندەگەنىن، سونداي- اق تەڭگە باعامىندا وزگەرىس ورىن العانىن اتاپ ءوتتى.
«كوپ جاعدايدا كۇيگەلەكتىك سالدارىنان بولعان اۋىتقۋلار ورىن الۋدا، ياعني بىرەۋلەر ءۇشىن بۇل سپەكۋلياتيۆتىك بولىپ وتىر. ولار وسىنداي جاعدايدى تۋىنداتۋدا. مەنىڭ ويىمشا، جاعداي تۇزەلۋى ءتيىس»، - دەدى س. دومنين.
سونىمەن قاتار ول ەل تۇرعىندارىنا بىرنەشە قاراپايىم كەڭەسىن بەردى.
«بىرىنشىدەن، باعامعا قاتىستى تۇسىنىكسىز جاعدايدى كورىپ تۇرىپ، بىردەن ايىرباستاۋ پۋنكتىنە بارۋ كەرەك ەمەس. ويتكەنى ۆاليۋتا ايىرباستاۋ ورىندارىنا ءبىرىنشى بولىپ بارعاندار، ۆاليۋتانى ايىرباستايتىندار ءۇشىن قوسىمشا تابىس جاساۋعا مۇمكىندىك بەرەدى. ەكىنشىدەن، ادامدار ءوز شىعىندارىن جوسپارلاۋمەن اينالىسۋى كەرەك، ياعني قادامداردى ۇزاق مەرزىمگە بەلگىلەۋ قاجەت»، - دەدى ەكونوميست.
ەلورداداعى اقشا ايىرباستاۋ ورىندارىندا ا ق ش دوللارى ساعات 9-دا- اق ساتىلىپ كەتكەن. قازىر ساتىلىمدا جوق. وتكىزۋگە بولادى. ال ۇلتتىق بانك پەن قور بيرجاسىندا رەسمي باعام 6 - ناۋرىزدان بەرى وزگەرمەگەن. 382 تەڭگەنىڭ اينالاسىندا. اقشا ايىرباستاۋ ورىندارى الەمدىك احۋالدى نازارعا الا ارەكەت ەتكەنىن ايتادى.
باس قالاداعى كەي ايىرباس ورىندارى 1 دوللار ءۇشىن 402 تەڭگەگە دەيىن سۇراعان. ا ق ش ۆاليۋتاسىنىڭ كۇرت قىمباتتاۋىنا الەمدىك مۇناي باعاسىنىڭ تومەندەۋى سەبەپ بولدى دەيدى ماماندار. الەمدى شارپىعان قاۋىپتى ىندەت - كوروناۆيرۋس تا اسەر ەتۋى مۇمكىن. الايدا ابدىراۋعا ءالى ەرتە. ەرتەڭنەن باستاپ، اقشا ايىرباستاۋ ورىندارى ۇلتتىق بانك بەكىتكەن رەسمي باعامعا قاراي جۇمىس ىستەيتىن بولادى. ال حالىقتىڭ پىكىر ەكىۇداي. ءبىرى تەڭگەنى عانا پايدالانۋعا كەڭەس بەرسە، ەندى ءبىرى دوللاردى قالاي دا الۋعا ارەكەت جاساپ جاتىر.
شەرحان ەرمانوۆ، قالا تۇرعىنى:
- بەس ءجۇز تەڭگە بولادى دەگەن شوشۋ بولدى عوي ازاندا. كەلسەك وبمەننيكتە جوق دوللارلار. وتكىزەتىن ادام بولسا، سودان الا سالامىن با دەگەن وي بولىپ تۇر.
