ايەلدەر بوكسىنان وليمپياداعا جالعىز جولداما بۇيىردى

75 كەلىدە ەل نامىسىن قورعاپ جاتقان قازاقستاندىق بوكسشى نادەجدا ريابەتس ايماقتىق وليمپياداعا ىرىكتەۋ تۋرنيرىندە قازاقستان ايەلدەر كومانداسىنان جالعىز جولداماعا يەلىك ەتتى.

ول شيرەك فينالدا ۆەتنامدىق نگۋەنمەن كەزدەسىپ، ناتيجەسىندە تورەشىلەردىڭ ءبىر اۋىزدى شەشىمىمەن جەڭىسكە جەتتى.

وسىلايشا، ەرىك العابەك جاتتىقتىراتىن قازاقستان ايەلدەر كومانداسىنان اتالعان تۋرنيرگە بارعان بوكسشىلار اراسىنان جالعىز ءوزى وليمپياداعا جولداما جەڭىپ الدى.

ەرىك العابەك ايەلدەر بوكسىنان وليمپيادالىق ىرىكتەۋ تۋرنيرىنە 5 سالماقتان 5 بوكسشى الىپ كەلگەن بولاتىن. وكىنىشكە قاراي سونىڭ بىرەۋى عانا توكيو وليمپياداسىنا جولداما جەڭىپ الدى.

ەستەرىڭىزگە سالا كەتسەك، ليتسەنزيا ءۇشىن تالاستى ءبىرىنشى بولىپ باستاعان دامەتكەن كەلىمبەت (57 كەلى) قىتايلىق ين يۋنحۋاعا جول بەرسە، ريمما ۆولوسەنكو (60 كەلى) ءۇندىستاندىق سيمراندجيتكاۋر بااتتان جەڭىلدى.

ال، 69 كەلى سالماقتا ەل نامىسىن قورعاپ جاتقان بوكسشىمىز حالزوۆا شيرەك فينالدا قىتايلىق حون گۋدانعا جول بەرىپ، وليمپيادا جولداماسىنان تىس قالدى

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى