قارلىعاش ءتاشىموۆا: ار الدىندا تازا بولۋ ءۇشىن قيىندىقتار مەن كەدەرگىلەرگە شىداۋ كەرەك
بۇگىندە قارلىعاش اقمولا وبلىستىق پ د زاڭسىز كوشى- قونمەن كۇرەسۋ جونىندەگى ارنايى جەكە ۆزۆودىنىڭ ينسپەكتورى قىزمەتىن اتقارىپ ءجۇر. ءوز ىسىنە شەبەر جاننىڭ جەتكەن جەتىستىگى مەن العان اسۋى وزىنەن كەيىنگى جاستارعا ۇلگى بولارداي. 2007 -جىلى ب. مومىش ۇلى اتىنداعى ءى ءى م شىمكەنت زاڭ كوللەدجىن، كەيىن 2011 -جىلى ق ر ءى ءى م الماتى اكادەمياسىن ۇزدىك ءتامامداعان ول ەڭبەك جولىن پاۆلودار وبلىسى باياناۋىل اۋدانىندا باستاپتى. سودان بەرى 20 جىلعا جۋىق ءبىر سالادا تاپجىلماستان ىستەگەن ەڭبەگىنىڭ ارقاسىندا ول قۇقىق قورعاۋ سالاسىندا مول تاجىريبە جيناقتاعان. سول سەبەپتى ۇجىمدا دا سىيلى. يىق تىرەستىرىپ بىرگە قىزمەت ىستەپ جۇرگەن ارىپتەستەرى مەن قۇربىلارى قارلىعاش ءتاشىموۆانى «بىلىكتى ءتارتىپ ساقشىسى ءارى ءوز ءىسىنىڭ مايتالمان مامانى» دەيدى.
«سۇيىكتى ءىسىڭنىڭ تەرەڭىنە بويلاعان سايىن قىزىعى دا، شىجىعى دا مولايا تۇسەدى. بۇل قىزمەتكە ەڭ باستى كەرەگى - ءتوزىم، ساۋاتتىلىق. شىدامدىلىققا ۇيرەتەدى. جاۋاپتى جۇمىس بولعاندىقتان، باسشىلاردىڭ بەرگەن تاپسىرمالارىن ساپالى ءارى ۋاقتىلى ورىنداۋعا تىرىسامىن. ارىپتەستەرىمنەن دا وسىنى تالاپ ەتەمىن. بۇل مەنىڭ جاۋاپكەرشىلىگىمنىڭ بەلگىسى»، - دەيدى قارلىعاش ءتاشىموۆا.
بويىندا تۋا بىتكەن وسىنداي اسىل قاسسيەتتەرىنىڭ ارقاسىندا ول قۇقىق قورعاۋ ورگاندارى قىزمەتكەرلەرىنىڭ اراسىندا ۇيىمداستىرىلعان ءتۇرلى بايقاۋلارعا قاتىسىپ، زور ماراپاتتارعا بولەنىپ كەلەدى.
ماسەلەن، 2008 -جىلى ءى ءى م قىزمەتكەرلەرى اراسىندا وتكەن بايقاۋدا 3-ورىن، 2011 -جىلى كوركەمونەرپازداردىڭ رەسپۋبليكالىق «جان جۇرەگىم - قازاقستان» اتتى پاتريوتتىق اندەر بايقاۋىندا 2-ورىن الۋى، 2013-2014 -جىلدارى «پاراساتتى پوليتسەي» رەسپۋبليكالىق سايىسىندا توپتىق ونەر كورسەتۋ بويىنشا ديپلومانت اتانۋى، سونداي- اق، 2014 -جىلى ماسكەۋ قالاسىندا «ەۋرازيا» تەلەكانالى وتكىزگەن «لۋچشي گورود ك ز»، 2013-2015 -جىلدار ارالىعىندا «ەكى جۇلدىز» باعدارلاماسىنا قاتىسىپ، س ق و پ د مادەنيەت ورتالىعىنداعى ۆوكالدىق توپپەن «ەل جۇرەگى- استانا» اتتى پاتريوتتىق ءان بايقاۋىندا جۇلدەلى 1 جانە 2 - ورىنداردان كورىنۋى قارلىعاشتىڭ قانشالىقتى جان- جاقتى ادام ەكەنىن كورسەتەدى.
ول، سونداي- اق، وزىنەن اقىل- كەڭەس سۇراپ كەلگەن جاستار مەن مۇقتاج جاندارعا كومەك قولىن سوزۋدان جالىققان ەمەس. ءوزى سياقتى نازىك جاندىلار ونىڭ قيىندىقتارعا مويىمايتىن قاسيەتىن، ەڭبەككە دەگەن قۇلشىنىسىن ۇلگى تۇتۋدا. قازىرگى كەزدە ول قىزمەت ىستەپ جۇرگەن اقمولا وبلىستىق پد زاڭسىز كوشى- قونمەن كۇرەسۋ جونىندەگى ارنايى جەكە ۆزۆودى وڭىردە كوشى- قون ماسەلەسىنە قاتىستى زاڭدىلىقتىڭ ساقتالۋىن قاداعالاۋ، قىلمىستىڭ الدىن الۋ باعىتىندا جۇمىس ىستەيدى. سوندىقتان وعان ءتارتىپ ساقشىسى رەتىندە ۇلكەن جاۋاپكەرشىلىك جۇكتەلىپ وتىر.
ايەل - انا، شاڭىراقتىڭ ۇيىتقىسى دەسەك، بۇگىنگى تاڭدا قارلىعاش ءتاشىموۆا وتاعاسى مەن بالالارىنىڭ دا بابىن تاۋىپ، قىزمەتىنىڭ دە بەرەكەسىن كەلتىرىپ جۇرگەن جايى بار.
«2008 -جىلى ازامات قابيەۆپەن جۇمىس بارىسىندا تانىسىپ، وتباسىن قۇرىپ، ءبىر اۋلەتتىڭ وتىن جاقتىم. بۇگىندە جۇبايىم ەكەۋىمىز تەمىرلان جانە توميريس ەسىمدى ەكى بالانى تاربيەلەپ وتىرمىز. ومىرلىك سەرىگىم ازامات تا اقمولا وبلىسى پ د پاتۋرلدىك پوليتسيا باتالونى ۆزۆودىنىڭ كومانديرى، وتباسىمنىڭ قامقورى مەن تىرەگى»، - دەيدى كەيىپكەرىمىز.
دانا حالقىمىز «ايەل - اق بەسىكتىڭ يەسى، تۋعان جەردىڭ كيەسى» دەپ بەكەر ايتپاسا كەرەك. وعان قارلىعاش ءتاشىموۆانىڭ قۇقىق قورعاۋ سالاسىنىڭ دامۋىنا قوسىپ وتىرعان ۇلەسى مەن وتباسىلىق ءومىرى ايقىن دالەل.
اۆتور: اسلان وسپانوۆ
