كوروناۆيرۋس: اۋرۋدى جۇقتىرماۋ ءۇشىن نە ىستەۋ كەرەك
«كوروناۆيرۋستىڭ جاڭا ءتۇرىن جۇقتىرماۋ ءۇشىن ەڭ الدىمەن يممۋنيتەتتى كوتەرۋ كەرەك. سەبەبى بۇل ۆيرۋس اۋا تامشىلارى ارقىلى ادامنان ادامعا جۇعادى جانە يممۋنيتەتى تومەن ادامداردىڭ، جۇكتى ايەلدەردىڭ جانە قارتتاردىڭ جۇقتىرۋ قاۋپى جوعارى. اسىرەسە، س دارۋمەندەرى بار اپەلسين، كيۆي، يتمۇرىندى كوبىرەك تۇتىنىپ، تەڭىز ونىمدەرىن اس مازىرىنەن شەكتەي تۇرعان ءجون» ، - دەيدى دارىگەر.
ونىڭ ايتۋىنشا، اۋرۋدىڭ ەڭ العاشقى بەلگىلەرى - دەنە قىزۋى، جوتەل، السىزدىك جانە دەمىگۋ.
«ەڭ الدىمەن جەكە باس گيگيەناسىن ساقتاپ، قولدى ءجيى جۋىپ تۇرۋ كەرەك. بولمەنى ءجيى جەلدەتىپ، تۇشكىرگەندە قول ورامال قولدانعان ءجون. اۋرۋ سيمپتومدارى بايقالعان جاعدايدا مەديتسينالىق ماسكانى پايدالانىپ، ادام كوپ جينالعان ورىندارعا بارماڭىز. مەديتسينالىق ماسكانى تەك قانا جابىق بولمەدە عانا تاعۋ قاجەت، ءاربىر 2-3 ساعات سايىن اۋىستىرىپ وتىرۋ كەرەك. شەتەلدەرگە ساپاردى دا كەيىنگە قالدىرعان ءجون» ، - دەدى ب. بەرديەۆا.
ايتا كەتەيىك، 2019 -جىلى بەلەڭ العان كوروناۆيرۋس (COVID-19) العاش رەت قىتايدىڭ ۋحان قالاسىندا انىقتالدى. بۇل ينفەكتسيانى جۇقتىرعاندار كوروناۆيرۋستىق پنيەۆمونياعا شالدىعادى.
دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، قازىرگى تاڭدا قازاقستاندا 992 ادام كارانتيندە (5 - ناۋرىزدا وڭتۇستىك كورەيادان كەلگەن 100 اداممەن قوسقاندا 1092 ادام) جاتىر. ونىڭ ىشىندە وقشاۋلانعاندار دا، ءۇي جاعدايىندا كارانتيندە جاتقاندار دا بار. 2 جانە 3 ساناتتار بويىنشا، ياعني تۇرعىلىقتى مەكەنجاي تۇرعىسىنان 7515 ادام، جالپى 8 مىڭعا تارتا ادام دەنساۋلىق ساقتاۋ مينيسترلىگىنىڭ باقىلاۋىنا الىنعان.
