ۇلتتىق قوعامدىق سەنىم كەڭەسى مۇشەلەرىنە جالاقى تولەنبەيدى - مينيستر
داۋرەن ابايەۆ ۇلتتىق قوعامدىق سەنىم كەڭەسى قۇرامىنان 6 ادام نە سەبەپتى شىعارىلعانى تۋرالى پىكىر ءبىلدىردى.
«مەن مۇنى ايتارلىقتاي ماڭىزدى وزگەرىستەر دەپ ايتا المايمىن. ۇلتتىق كەڭەستەگى 44 ادامنىڭ التاۋى عانا اۋىستى. بۇل قاراپايىم جۇمىس پروتسەسى. ۇلتتىق قوعامدىق سەنىم كەڭەسى - نەگىزگى جۇمىسپەن قاتار جۇرەتىن قوعامدىق جۇكتەمە ەكەنىن ءتۇسىنۋ كەرەكپىز»، - دەيدى داۋرەن ابايەۆ.
مينيستر كەڭەس مۇشەلەرىنە وسى قىزمەت ءۇشىن جالاقى تولەنبەيتىنىن ايتتى.
«بۇل قىزمەت ءۇشىن جالاقى تولەنبەيدى. بۇل جەرگە تەك ءوز ەرىكتەرىمەن كەلەدى. سوندىقتان ونى نەگىزگى جۇمىسپەن ۇيلەستىرۋ فيزيكالىق تۇرعىدا دا وتە قيىن»، - دەيدى ول.
