قىرعىزستاننىڭ قازاقستاننىڭ ۇستىنەن د س ۇ- عا نارازىلىعى نەگىزسىز
قىرعىز رەسپۋبليكاسىنىڭ وكىلدەرى قازاقستان رەسپۋبليكاسىنىڭ د س ۇ كەلىسىمدەرىنىڭ كەيبىر ەرەجەلەرىن بۇزعاندىعى تۋرالى نارازىلىقتارىن بىلدىرگەن. ولاردىڭ اتاپ وتۋىنشە، بۇل قىرعىزستاننىڭ ەكونوميكالىق كورسەتكىشتەرىنىڭ ناشارلاۋىنا الىپ كەلگەن.
ال قازاقستاننىڭ ب ۇ ۇ جانىنداعى جانە باسقا دا حالىقارالىق ۇيىمداردىڭ جەنيەۆاداعى تۇراقتى وكىلى جانار ايتجانوۆا قىرعىزستاننىڭ شاعىمىن نەگىزسىز دەپ اتادى.
ول قىرعىز تاراپىنا ەۋرازيالىق ەكونوميكالىق وداق تۋرالى شارتقا سايكەس، ەاەو- عا مۇشە مەملەكەتتەردىڭ اۋماقتارى اراسىندا كەدەندىك دەكلاراتسيالاۋ مەن مەملەكەتتىك باقىلاۋدى، سونىڭ ىشىندە كەدەندىك، كولىكتىك، ۆەتەرينارلىق جانە سانيتارلىق باقىلاۋدى قولدانباستان تاۋارلاردى ەركىن وتكىزۋ جۇزەگە اسىرىلاتىنىن ەسكە سالدى.
دەمەك، قىرعىز رەسپۋبليكاسىنان قازاقستانعا كەلەتىن، ونىڭ ىشىندە قازاقستان اۋماعى ارقىلى ترانزيتپەن وتەتىن بارلىق تاۋارلار كەدەندىك باقىلاۋ تالاپتارىنان بوساتىلعان. وسىعان بايلانىستى قىرعىز رەسپۋبليكاسى كوتەرگەن ماسەلەلەر تەك قانا ەاەو زاڭناماسىنىڭ قۇقىق قولدانۋ پراكتيكاسىمەن بايلانىستى جانە وسى ۇيىمنىڭ الاڭىندا تالقىلانۋى ءتيىس.
ەلشى ايتجانوۆا سونداي- اق دۇنيەجۇزىلىك ساۋدا ۇيىمىنا مۇشە مەملەكەتتەردىڭ نازارىن كەدەندىك اكىمشىلەندىرۋدىڭ السىزدىگىنە بايلانىستى قىرعىزستانداعى جۇيەلىك پروبلەمالارعا، بۇل ءوز كەزەگىندە ەاەو مۇشە مەملەكەتتەرىنە جالپى بيۋدجەتىندە كەدەندىك باج تۇسىمدەرىنىڭ تولىق الىنباۋىنا اۋداردى.
«2019 -جىلدىڭ وزىندە قىرعىزستاننان قازاقستان رەسپۋبليكاسىنىڭ جالعان رەزيدەنتتەرىنە تاۋار اكەلۋدىڭ 2,6 مىڭنان استام وقيعاسى انىقتالدى. سونداي- اق، رەسەي فەدەراتسياسىنىڭ اۋماعىنا قىرعىز تاۋارلارىن «جالعان ترانزيتتى» جۇزەگە اسىرۋدىڭ 4,8 مىڭنان استام وقيعاسى انىقتالدى. ولار فاكتى بويىنشا ۇلتتىق بيۋدجەتكە جاناما سالىقتاردى (ق ق س) تولەمەي قازاقستان نارىعىندا ساتىلدى»، - دەپ اتاپ ءوتتى ەلشى.
قازاقستان قابىلداعان شارالار سالىقتىق اكىمشىلەندىرۋدى جانە ەل بيۋدجەتىنە ق ق س تۇسىمدەرىنىڭ تولىقتىعىن قامتاماسىز ەتۋگە باعىتتالعان. سونىمەن قاتار، بۇل شارالار ىشكى جۇك تاسىمالداۋشىلارعا، ەاەو مۇشە مەملەكەتتەرىنىڭ جانە ءۇشىنشى ەلدەردىڭ جۇك تاسىمالداۋشىلارىنا ءبىر قاتارلى قولدانىلادى.
قورىتىندىلاي كەلە، قازاقستان ەلشىسى قىرعىز رەسپۋبليكاسىن د س ۇ مەن ەاەو- عا كىرۋ كەزىندە العان مىندەتتەمەلەرىن تولىق ورىنداۋعا، سونداي- اق ءوز سەرىكتەستەرىنىڭ ۇلتتىق زاڭنامالارىن ساقتاۋعا شاقىردى.
قازاقستاندىق تاراپ، ەگەر قىرعىز تاراپى سوت ءىسىن باستاسا، د س ۇ الاڭىنداعى سوت پروتسەسى اياسىندا ءوزىنىڭ مۇددەلەرى مەن قۇقىقتىق شارالارىن قورعاۋعا دايىن.
اۆتور: مارلان جيەمباي
