ەلوردا وقۋشىلارى اۆتوبۋستا تەگىن جۇرەتىن كولىك كارتاسىن قالاي الادى
ايتا كەتسەك وسىدان ءبىر اپتا بۇرىن كومپانياسى باسشىسى بەكمىرزا يگەنبەردينوۆ 28 - ناۋرىزدان باستاپ نۇر- سۇلتان قالاسىندا كامەلەتكە تولماعان بالالار قالاىشىلىك قوعامدىق كولىكپەن تەگىن جۇرەتىنىن ءمالىم ەتكەن ەدى . سول كەزدە كومپانيا تاراپىنان بۇل رەتتە وقۋشىلارعا قازىرگى كولىك كارتاسىن اۋىستىرۋدىڭ قاجەتتىگى جوعى ايتىلعان. دەسە دە كولىك كارتاسى جوق نەمەسە ونى جوعالتقان وقۋشىلار ءۇشىن CTS ەكى امال ۇسىنىپ وتىر.
«7 - ناۋرىزدان باستاپ بالالاردىڭ اتاۋلى كولىك كارتاسىن www.transcard.kz سايتىندا ونلاين تاپسىرىس بەرۋگە بولادى. ول ءۇشىن 7 جاستان 15 جاسقا دەيىنگى بالالاردىڭ تۋۋ تۋرالى كۋالىگى، وقۋ ورنىنان انىقتاما، سۋرەتى كەرەك. ال 16 جاستان 18 جاسقا دەيىنگى بالالار جەكە كۋالىگىن، وقۋ ورنىنان انىقتاماسىن، سۋرەتىن جىبەرۋى ءتيىس. سايتتا كولىك كارتاسىن شىعارۋ ءۇشىن تولەم جاساي الاسىز. باعاسى 400 تەڭگە. 5 جۇمىس كۇننىڭ ىشىندە ەلەكتروندى پوشتاڭىزعا كارتانىڭ دايىندىعى تۋرالى حابارلاما كەلەدى. سونداي- اق، كولىك كارتاسىن الۋدىڭ ەكىنشى امالى - كومپانيانىڭ كاسسالارى. ول جەردە ساناۋلى مينۋتتىڭ ىشىندە كارتانى الۋعا مۇمكىندىك بار»، - دەپ حابارلايدى CTS كومپانياسىنان.
بالانىڭ اتاۋلى كولىك كارتاسىن اتا- اناسى ەلورداداعى قوشقاربايەۆ كوشەسى، 50/1 مەكەن- جايىندا ورنالاسقان ورتالىق كاسسادان الا الادى. قاجەتتى قۇجاتتار: اتا- اناسىنىڭ جەكە كۋالىگى جانە اتاۋلى كولىك كارتاسى. جەكە كۋالىك العان جاسوسپىرىمدەر وزدەرى الادى.
اۆتور ايان بەكەن ۇلى
