كوروناۆيرۋس: بۇگىنگى دەرەك

ىندەت قىتايدان باسقا يران، يتاليا مەن وڭتۇستىك كورەيادا قارقىن الىپ بارادى. ال ا ق ش بويىنشا ناۋقاستاردىڭ قاتارى 158 گە ارتتى.

اقپارات كوزدەرىنىڭ حابارلاۋىنشا، قازىر ەلدىڭ بىرنەشە وڭىرىندە مەكتەپتەر ۋاقىتشا جابىلىپ جاتىر. تاياۋدا ا ق ش- تىڭ وكىلدەر پالاتاسى كوروناۆيرۋسپەن كۇرەسۋگە ارنالعان جاڭا زاڭ جوباسىن داۋىسقا سالىپ ماقۇلدادى.

قۇجاتقا سايكەس فەدەرالدى بيۋدجەتتەن 8,3 ميلليارد دوللار قارجى بولىنەتىن بولادى. ەندى قۇجات سەناتقا جولداندى.

مايك پەنس، ا قش - تىڭ ۆيتسە-پرەزيدەنتى:

- ەلدە كوروناۆيرۋستىڭ جايىلۋىن اق ۇيدە كەڭىنەن تالقىلادى. ءتۇرلى سالا قىزمەتكەرلەرىمەن كەزدەستىك. ەلدە كوروناۆيرۋستىڭ جايىلۋى باسقا مەملەكەتتەرمەن سالىستىرعاندا تومەن. دەسە دە، جاعدايدى باقىلاۋدا ۇستاۋىمىز كەرەك. جاڭا زاڭعا سايكەس، قاراجات فەدەرالدى بيۋجەتتەن بولىنەتىن بولادى. بۇل باستامانى دەپۋتاتتاردىڭ باسىم كوپشىلىگى قولداپ وتىر. ال يراندا كوروناۆيرۋس دەرەگى بارلىق پروۆينتسيادا تىركەلگەن.

سوڭعى اقپاراتقا سايكەس، ەلدە كەسەلدەن قازا تاپقانداردىڭ قاتارى 92 گە جەتتى. ءبىر تاۋلىكتىڭ ىشىندە 15 ادام كوز جۇمىپ، 586 تۇرعىن ۆيرۋس جۇقتىرعان. وسىلايشا ناۋقاستاردىڭ سانى 3 مىڭعا جۋىقتادى. ەلدە زارارسىزداندىرۋ جۇمىستارى جالعاسىپ جاتىر.

ال ەۋروپاداعى ۆيرۋس وشاعىنا اينالعان يتاليادا ناۋرىزدىڭ 15 ىنە دەيىن مەكتەپتەر جۇمىسىن توقتاتتى.

بۇل تۋرالى ەلدىڭ دەنساۋلىق ساقتاۋ مينيسترلىگى باسپا ءسوز كونفەرەنتسيادا حابارلادى.

ايتا كەتەيىك، قازىر يتاليادا 3 مىڭنان استام ادام كوروناۆيرۋس جۇقتىرعان، 107 ادام ىندەت قۇربانى بولدى.

لۋسيا اتستسولينا، يتاليانىڭ ءبىلىم ءمينيسترى:

- بۇل وڭاي شەشىم بولعان جوق. ىندەتتىڭ جايىلماۋى ءۇشىن ۋاقىتشا بارلىق مەكتەپتى جابامىز دەپ شەشتىك. مينيستر رەتىندە بالالارىمىزدىڭ وقۋى جاقىن ارادا باستالاتىنىنا سەنەمىن. ءبىراق قاۋىپسىزدىك ءبىرىنشى ورىندا.

كوروناۆيرۋس تەز جايىلىپ بارا جاتقان وڭتۇستىك كورەيادا دا ۆيرۋس قۇرباندارىنىڭ سانى ارتىپ بارادى. سوڭعى مالىمەت بويىنشا، ءبىر كۇننىڭ ىشىندە 3 ادام كوز جۇمىپ، 438 تۇرعىن ۆيرۋس جۇقتىرعان.

مامانداردىڭ ايتۋىنشا، ناۋقاستاردىڭ 90 پايىزى تەگۋ مەن سولتۇستىك كەنسان قالاسىندا تىركەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى