بەردىبەك ساپاربايەۆ وليمپيادا ويىندارىنىڭ جۇلدەگەرى ەلدوس سمەتوۆپەن كەزدەستى
ەستەرىڭىزگە سالا كەتەيىك، اعىمداعى جىلدىڭ اقپان ايىندا ەلدوس سمەتوۆ پاريجدە وتكەن Grand Slam حالىقارالىق تۋرنيرىندە قولا جۇلدەگە قول جەتكىزگەن بولاتىن.
«ءسىز سپورتتىق ارەنادا ەلىمىزدىڭ نامىسىن ابىرويلى قورعاپ ءجۇرسىز. ايتۋلى حالىقارالىق جارىستاردىڭ چەمپيونى جانە جۇلدەگەرى، وليمپيادانىڭ كۇمىس جۇلدەگەرى اتاندىڭىز. ءوز تاباندىلىعىڭىز بەن دارىنىڭىزدىڭ ارقاسىندا بايراقتى باسەكەلەلەردە الەم الدىندا ەلىمىزدىڭ داڭقىن اسىرا ءبىلدىڭىز. ءبىز ءسىزدى ماقتان تۇتامىز. ءبىزدىڭ سپورتشىلاردىڭ جەتىستىكتەرى جاس ۇرپاقتىڭ سالاماتتى ءومىر سالتىن ۇستانۋىنا زور سەرپىن بەرۋدە»، - دەدى بەردىبەك ساپاربايەۆ.
ءوڭىر باسشىسى سپورتشىنى جانە ونىڭ جاتتىقتىرۋشىسىن جۋىردا قول جەتكىزگەن جەڭىسىمەن قۇتتىقتاپ، ولارعا 500 مىڭ جانە 300 مىڭ تەڭگە اقشالاي سەرتيفيكاتتار تابىس ەتتى.
ءوز كەزەگىندە ە. سمەتوۆ الداعى توكيودا وتەتىن وليمپيادا ويىندارىندا جەڭىسكە جەتۋ ءۇشىن بار كۇش-جىگەرىن جۇمسايتىنىنا سەندىردى.
«ءبىزدىڭ باستى مىندەتىمىز - وليمپيادا» التىنىن جەڭىپ الۋ. ماقساتقا جەتۋ ءۇشىن ايانباي كۇرەسەم دەپ ۋادە بەرەمىن»، - دەدى ە. سمەتوۆ.
