يراكتا كوروناۆيرۋستان كوز جۇمعان العاشقى ادام تىركەلدى

يراكتىڭ دەنساۋلىق ساقتاۋ مينيسترلىگى كۋرد وڭىرلىك اكىمشىلىگىنىڭ مالىمدەۋىنشە، 4- ناۋرىزدا سۋلەيمانيا پروۆينتسياسىندا 63 جاستاعى ەر ادام كوروناۆيرۋستان كوز جۇمعان.

جەرگىلىكتى باسپا ءسوزدىڭ اقپاراتى بويىنشا، ەر ادام يمام بولعان، ول اۋىرىپ، جاعداي كۇرت ناشارلاعان سوڭ سول كۇنى اۋرۋحاناعا تۇسكەن. ەر ادامنىڭ جۇرەگى اۋىرعان، وعان بۇرىن ءۇش مارتە وتا جاسالعان.

سوڭعى مالىمەت بويىنشا يراكتا كوروناۆيرۋس جۇقتىرۋعا قاتىستى 32 جاعداي تىركەلگەن.

ەسكە سالا كەتسەك، كوروناۆيرۋستىڭ جاڭا ءتۇرى (Covid-19) 2019-جىلى 12- جەلتوقساندا قىتايدىڭ حۋبەي پروۆينتسياسىنداعى ۋحان قالاسىندا تابىلدى. ينفەكتسيا تەز ارادا باسقا قالالارعا جانە ەلدەرگە تاراپ كەتتى.

دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىڭ تارالۋىن حالىقارالىق دەڭگەيدەگى توتەنشە جاعداي دەپ مويىندادى. ۆيرۋس ادامنان ادامعا اۋادا تارالىپ، جۇعادى. سيمپتومدارى: ىستىق كوتەرىلەدى، تاماق اۋىرىپ، جوتەل، دەمىكپە پايدا بولادى، ءىش وتەدى. كەيىن پنيەۆمونيا مەن باۋىر جەتىسپەۋشىلىگىنە اينالىپ، سالدارى ولىمگە سوقتىرۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى