مينيستر كوروناۆيرۋس تۋراسىندا: مەكتەپتى جابۋ قاۋپى تۋىنداعان جوق
«ەلىمىزدە كوروناۆيرۋس انىقتالمادى. كۇدىك بولعان جاعدايدا، ادامدار تولىق تەكسەرۋدەن ءوتىپ جاتىر. سايكەسىنشە، شارالاردى شامادان تىس شەكتەۋدىڭ قاجەتى جوق. الايدا قازىرگى كەزدە رەسپيراتورلىق ينفەكتسيالار كەزەڭى ءجۇرىپ جاتىر»، - دەدى ە. ءبىرتانوۆ تىلشىلەر ساۋالىنا جاۋاپ بەرە وتىرىپ.
ونىڭ اتاپ وتۋىنشە، قوعامدا دۇرلىگۋدى بولدىرماس ءۇشىن بۇقارالىق شارالاردان باس تارتۋ، بالاباقشا مەن مەكتەپكە بارۋدى توقتاتۋ قادامدارىنا دايىندالۋ كەرەك بولادى.
«ازىرگە، مۇنداي قادامداردىڭ قاجەتتىگى جوق. ەگەر دە وسىنداي تاۋەكەل بولسا، وندا ءتيىستى شەشىمدى باس مەملەكەتتىك سانيتارلىق دارىگەر جانە ءار ءوڭىر جەكەلەي قابىلداۋعا قۇقىلى»، - دەدى مينيستر.
مۇنىمەن قوسا، ە. ءبىرتانوۆ ازىرگى قاتەر جوق ەكەنىن اتاپ ءوتتى.
«مەنىڭ دە بالالارىم مەكتەپكە بارىپ ءجۇر. جالپى، تۇماۋ كەزەڭى بار بولعاندىقتان، ءبىز ۇنەمى اسا قاجەتسىز شارالاردى كۇزدە ءارى قىستا وتكىزبەۋگە كەڭەس بەرەمىز. مۇنداي نۇسقاۋلار تۇماۋعا قاتىستى بەرىلىپ كەلگەن. اتاپ ايتقاندا، قازاقستاندا كوروناۆيرۋس ماسەلەسى تۋىنداسا، وندا قاجەتتى شەشىمدەر شۇعىل قابىلدانادى»، - دەدى ەلجان ءبىرتانوۆ.
اۆتور: رۋسلان عابباسوۆ
