ۇلتتىق بانك: كارتوچكالار بويىنشا تولەم قولما- قول ەسەپتەسۋ كورسەتكىشىنەن استى
وسى وپەراتسيالاردىڭ كولەمى 2018 -جىلعى دەرەكتەردەن % 52- عا اسىپ، 30,4 تريلليون تەڭگەنى قۇرادى.
«كارتوچكالىق وپەراتسيالاردىڭ نەگىزگى ۇلەسى - قولما- قول اقشاسىز تولەمدەر مەن اقشا اۋدارىمدارى. 2019 -جىلدىڭ قورىتىندىسى بويىنشا تولەم كارتوچكالارىمەن جۇرگىزىلگەن ءتورت وپەراتسيانىڭ ءاربىر ۇشەۋى قولما- قول اقشاسىز تاسىلمەن جۇرگىزىلدى. بۇل رەتتە، 2019 -جىلعى قىركۇيەكتە قولما- قول اقشاسىز وپەراتسيالاردىڭ اي سايىنعى كولەمى اقشانى الۋ بويىنشا وپەراتسيالار كورسەتكىشىنەن العاش رەت استى»، - دەدى ۇلتتىق بانكتىڭ تولەم جۇيەلەرى دەپارتامەنتىنىڭ باسشىسى ەرلان اشىقبەكوۆ.
2019 -جىلى قازاقستاندىق ەميتەنتتەردىڭ تولەم كارتوچكالارىن پايدالانا وتىرىپ جۇزەگە اسىرىلعان قولما- قول اقشاسىز جاسالاتىن تولەمدەر مەن اقشا اۋدارىمدارىنىڭ جالپى سانى جانە كولەمى 2 ەسەدەن اسا ءوسىپ، 14,1 تريلليون تەڭگە سوماسىنا 1,2 ميلليارد ترانزاكسيانى قۇرادى.
بانك قىزمەتتەرىن سيفرلاندىرۋ دەڭگەيىنىڭ وسۋىمەن حالىقتىڭ ونلاين تولەمدەر مەن اقشا اۋدارىمدارىن جۇرگىزۋگە قىزىعۋشىلىعىنىڭ ءوسۋى بايقالادى. 2019 -جىلدىڭ قورىتىندىسى بويىنشا بانكتەردىڭ ينتەرنەت/موبيلدىك سەرۆيستەرىندە 19,7 ميلليون پايدالانۋشى تىركەلدى، ونىڭ ىشىندە پايدالانۋشىلاردىڭ ورتاشا العاندا % 36- ى بانكتەردىڭ ونلاين سەرۆيستەرىن تۇراقتى پايدالانعان.
تيىسىنشە، قولما- قول اقشاسىز وپەراتسيالاردىڭ نەگىزگى ۇلەسى ونلاين تاسىلمەن: 9988,2 ميلليارد تەڭگە سوماسىنا 629,2 ميلليون ونلاين وپەراتسيا جۇرگىزىلدى. بۇل قولما- قول اقشاسىز تولەمدەر مەن اۋدارىمداردىڭ جالپى سانىنىڭ % 52,6- ىن، كولەمىنىڭ % 71,1- ىن يەلەنەدى.
وسىلايشا، ءاربىر ەكىنشى قولما- قول اقشاسىز ترانزاكسيا بانكتەردىڭ ينتەرنەت/موبيلدىك سەرۆيستەرى ارقىلى جۇرگىزىلدى. مۇنداي وپەراتسيانىڭ ورتاشا سوماسى 15874 تەڭگەنى قۇرادى.
