مەديتسينالىق ماسكانىڭ ورنىنا وكسولين مايىن ساتىپ الۋ ۇسىنىلدى

بۇل تۋرالى ق ر فارماتسيەۆتيكالىق قىزمەتتى قولداۋ جانە دامىتۋ قاۋىمداستىعىنىڭ پرەزيدەنتى مارينا دۋرمانوۆا ايتىپ بەردى.

«پاراتسەتامول، اتسيكلوۆير، وكسولين مايى سەكىلدى ۆيرۋسقا قارسى بارلىق پرەپاراتتار ءدارىحانالاردا جەتكىلىكتى. كەز كەلگەن ۆيرۋستىق اۋرۋدىڭ الدىن الۋ ءۇشىن جەكە گيگيەنانى ساقتاۋ قاجەت جانە وكسولين مايى وتە جاقسى كومەكتەسەدى. ماسكالار بويىنشا ماسەلە تۋىنداعاندا، وكسولين مايىن ساتىپ العان اناعۇرلىم ءتيىمدى. ودان دا باسقا اۋرۋدىڭ الدىن الاتىن پرەپاراتتار بار جانە بارلىعى ءدارىحانالاردا جەتكىلىكتى» ، - دەدى سپيكەر ورتالىق كوممۋنيكاتسيالار قىزمەتىندە وتكەن باسپا ءسوز قىزمەتىندە.

بۇعان دەيىن دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنىڭ» باس ديرەكتورى ارنۇر نۇرتايەۆ ەلىمىزدەگى مەديتسينالىق ماسكا جەتىسپەۋشىلىگى ماسەلەسىن تۇسىندىرگەن ەدى.

ايتا كەتەيىك، قازىرگى ۋاقىتتا الەمدە COVID-19 ۆيرۋسىن جۇقتىرعاندار سانى 90893 ادام جانە ودان 3110 ادام كوز جۇمدى.

سوڭعى 48 ساعاتتا قىتايدان تىسقارى جەردە تىركەلگەن 1848 ناۋقاستىڭ %80 ى ءۇش ەلگە تيەسىلى: يران، يتاليا جانە وڭتۇستىك كورەيا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى